Atata 20:26 - Anahatana ne Anamanaya tau Sou Naunue

²⁶ Reiso ranie hatae reini uasau osimo. Kani mka ia isa rerihoni omi reini imatai oyo inusu usa mainae, au usana tewa.

Atata 20:26 ပူးပေါင်းရင်းမြစ်များ

Yohanis 12:17

Sio wason onoo Yesus ioi Lasarus on pani hatu nohue oyo iunai iamahaiki honu rei, oeu oruni rerihoni Lasarus.

Yohanis 19:35

Au, Yohanis, ruaku unoo sio ohunu Yesus oyo wan usima. Sae waron usima nnare rei mo, pusire manisata. Uanei ata sae waron usima nnare rei mo, pusire manisata reiso usima osimo na omi iae oparisaa oi.

Atata 18:6

Ne sio Yahudiu onesiki, oyo omakaniai. Reiso isihotata tapuna rarihoni ne papite na sio oanei ata ipenei tau sio nea. Oyo iasau, “Mka Anahatana iapasanamo, omi ruamo osana. Au mo usana tewa. On ranie hatae reini mo, au ueu uaunau sio wason sio Yahudiu tewa.”

1 Timotius 5:22

Pene arapu ahusie ia isa na ahitiki tau ia onate. Napa rotu-tu iparisaa potuina mkane na onoo ne atata sapan. Tau sae, mka ia rei ipalalosa, ano me isanae oi. Asaka ruam na anom manisate.