Atata 20:17 - Anahatana ne Anamanaya tau Sou Naunue

¹⁷ Hoka nau Miletus oyo, Paulus iaisosi ia isa ieu ria Epesus nanie ianaha runa sio onata tau sio wason oparisaa.

Atata 20:17 ပူးပေါင်းရင်းမြစ်များ

Atata 11:30

Ouna san rei oyo, oaisosi Barnabas runa Saulus orori kepen rai osi sio onata tau sio wason oparisaa pan rei.

Atata 14:23

Ohiti sio onata tau sio wason oparisaa no tikana pusire. Oyo oahusieso oainisi tau Upuri wain sio oparisaa rei na Upuri ikata runaso. Oahusieso, oainisi, oamaon.

Atata 15:23

Sio maisosia runa sio onata tau sio wason oparisaa okanu surate oi oyo oruiki osi ateso na ororiki. Sio okanu san rei, “Osi mania kakau, mania waniu wason sio Yahudiu tewa poe kota Antiokhia runa otoe Siria runa otoe Kilikia. Tapea on roe ami maisosia runa ami onata pusima.

Atata 15:4

Oyo oeuso roe Yerusalem. Hoka roe oyo, sio maisosia, sio onata tau sio wason oparisaa runa sio wason oparisaa pusiso oatapeaso iake. Oatapeaso oyo, uaso osima osiso runa pusire waron Anahatana iakahaiso ouna osi sio wason sio Yahudiu tewa.

Atata 15:6

Oyo sio maisosia runa sio onata tau sio wason oparisaa oamanouso, nanie ohunu anamanae rerihoni masana reini.

Atata 16:4

Oeu ohori niana sui otoe Galatia osima osi sio wason oparisaa runa maunauna on roe sio maisosia runa sio onata tau sio wason oparisaa roe kota Yerusalem. Sio oaunauso na opusu maunauna rai.

Atata 18:19

Oyo osaa kapane rotu-tu ohokaso nau kota Epesus. Hoka nau oyo, Paulus ieu iarihoni Priskila runa Akwila, oyo inusui pan numa mananoune osi sio Yahudiu, nanie ihunu anamanae runa sio Yahudiu.

Atata 20:15

Ita hanroe asaa honu rotu-tu ahokama haineke nusa Khios. Pouarei ahokama nau nusa Samos. Ita tonurei ahokama nau kota Miletus.

Atata 20:28

Reiso osaka ruamo runa sio wason oparisaa pusiso. Anahatana Ne Inaha ihitimo na osakaso nea. Osaka sio wason oparisaa sani ia mamsakae isaka ne rompau. Sio ouna Anahatana ne mansiau pusu anai imatai.

1 Timotius 5:17

Kahurae oamuira sio onata tau sio wason oparisaa wason oaisosiso iake. Oamuira nai ua, nai tonu. Oamuira sio onata wason oaunauso runa sio wason oatuheteso. Oamuiraso reiso osehaso.

Titus 1:5

Uarihonia nau nusa Kreta na apamanisa taneiu waron pusire tewasi. Uarihonia nau rei na ano ahiti sio onata tau sio wason oparisaa. Ahitiso sui niana pusire sani naone uaisosia. Areimo uaisosia san rei:

Yakobis 5:14

Sani ia isa ikupui mo, kahurae ioi sio onata tau omi wani oparisaa na ohokaso noi, oyo oainisi osiki. Oainisi ososai tau weketisie oainisi na Upuri iapuheui.

2 Yohanis 1:1

Osi ia pina onate wain Anahatana iromai na iuna ne mansia na ia pina onate ne hehuka wan anoku runamo ia-ia. Surate reini mo, arihoni au wani au mainae tau sio wason oparisaa tau Kristus. Ne au ruaku man tewa sahoro anoku runamo, ne sio pusiso wason oparisaa tau Anahatana ne maunauna waron titue anoo runamo oi.

3 Yohanis 1:1

Osi Gayus, we neta wain anoku runaya mainae. Surate reini mo, arihoni au wan au mainae tau sio wason oparisaa tau Kristus.