Atata 20:13 - Anahatana ne Anamanaya tau Sou Naunue

¹³ Ami aeuma nau kapane, oyo asaa nanie aeuma pan Asosi naone na asupu Paulus pan rei. Asupui na isaa ikatama. Paulus iautue san rei nea nanie ieui suru pan, ieu tau ain.

Atata 20:13 ပူးပေါင်းရင်းမြစ်များ

Markus 1:35

Nene hanroe omnano tunne san rei oyo, Yesus ihanui. Ihanui oyo ieui arihon numa rei. Ieui na pan otoe isa wan meneta nai osa, nanie iainisi tau Anahatana.

Markus 6:46

Pusiso onunso samatoro Yesus ieu roe pupue, nanie iainisi tau Anahatana.

Atata 16:10

Paulus inoo masasua rei, oyo isima osi au, Lukas, runa ne netau tamena. Mata hun tewa oyo, ami autotu apia, nanie aeuma nau Makedonia. Tau sae, ami apamata sou ata Anahatana iaisosima asima runa Sou Iake rerihoni Yesus osi sio nau rei.

Atata 20:12

Paulus ieui, oyo sio oeu oautunu ia honue rei wain iamahaiki na inuniki pan numa. Sio oahana anoo iaka nea.

Atata 20:14

Isupuma pan Asos, oyo isaa roe kapane samatoro pusima asaa nau kota Metilene.

Atata 20:5

Ituso oeu oanaone, oyo onapa au, Lukas, runa Paulus pan nia Troas.