Atata 2:22 - Anahatana ne Anamanaya tau Sou Naunue

²² Omi Israel! Oatinu tau we anamanaya rai! Anahatana iatuhete osi omi ata ihiti Yesus wain on pan nia Nasaret. Oaneiki nea tau Anahatana irui kawasa osiki na iuna sima-simana tau matamo kahutua.

Atata 2:22 ပူးပေါင်းရင်းမြစ်များ

Lukas 11:20

Ne sani Au mo, unei sakahatene runa Anahatana ne kawasa, areimo, uatuhete ata Anahatana mo, nanie irime ne mansiau nea.”

Lukas 18:37

Sio oasau osiki ata, “Yesus, ia kota Nasaret rei, wain inikui.”

Lukas 24:18

Sio ua rei mo, ia isa nanai Kleopas. Oyo iasei tau Yesus ata, “Ama. Kani Ano ruam man sahoro Ano tamene mai Yerusalem wan anei tewa sou anamanaya waron mtinta tau mui-muie reini?”

Yohanis 1:45

Pusi oyo, Pilipus ieu isupu Natanael. Iahata, “Anoo! Ami asupu Ia waini naone Musa ikanu rerihoniki tau ne maunauna nea rei. Sio mamsima runa Anahatana ne maunauna iae oasau runa Ia rei naone nea oi. Ia mo, nanai Yesus, Yusup anai hanaie. Ia mo, ia arihoni nia Nasaret.”

Yohanis 10:37

Sani Au una sae waron Amaku iunare tewa, areimo pene oparisaa tanuku.

Yohanis 11:47

Reiso, sio imam no sio mainaya na sio onata arihon akama Yahudi oamanou sio saniriu oyo oasau ata, “Nanie iuna sae? Wain iuna sima-simana panesi.

Yohanis 12:17

Sio wason onoo Yesus ioi Lasarus on pani hatu nohue oyo iunai iamahaiki honu rei, oeu oruni rerihoni Lasarus.

Yohanis 15:24

Onoo Au una sima-simana waron ia seia man iuna kuare tewa. Ne openeso oparisaa tau Au sirinia. Sinana Au una sima-simana rai tewa, osana tewa. Ne masike onoo sima-simana rai nea iae, openeso tau Au runa Amaku sirinia.

Yohanis 19:19

Pilatus iaisosiso okanu tau ai inate isa na oaunutui roe Yesus unui roe ne hini rei. Okanu san rei, “Yesus, Ia Nasaret. Natu tau sio Yahudiu.”

Yohanis 3:2

Taue isa ihokai mai Yesus tau pumono. Hoka mai, iahata, “Ano Ona Matuhetene. Ami anei ata Ano mo, Anahatana iaisosia mai na nanie atuhetema. Tea mo, hasae ia isa wain Anahatana ikata runai sahoro ne kawasa iuna sima-simana sani Ano reini.”

Yohanis 4:48

Oyo Yesus iasau ata, “Waniku sin, kakaku sin! Omi openemo oparisaa tau Au sani onoo sima-simana waron ratuhete ata no kawasa arihon Anahatana runa sima-simana waron raasiraso tewasi. Onoo sima-simana samatoro oparisaa tanuku.”

Yohanis 5:36

Ne sae isa wan mainae renesi Yohanis resima runa Au. Sima-simana waron Au unare rei mo, pusire ratuhete ata Au reini mo, Amaku sahoro iaisosiku na unare rei. Ratuhete ata Amaku wain roe noiyaha iaisosiku mai tuniai reini.

Yohanis 6:14

Sio panesi rei onoo sima-simane wan retuhete ata Yesus ne kawasa arihon Anahatana wan iunai rei oyo oahata, “Titue-tue! Ia reini mo, ia mamsima runa Anahatana ne maunauna wain Anahatana itotoe runai nea ata mka ihokai mai tuniai.”

Yohanis 6:27

Pene opakarian onina muaine wan mka rekopui. Ne, onina muaine wan mka rekahate tewa. Onina muaine wan reunamo oamahaimo okata Anahatana rotu-tu ria supan. Muaine rei mo, hasae Au, Tumata Reini mo, Anahatana Ihitiku sahoro mka uruiki osimo. Areimo tau Au mo, Amaku irui kawasa osiku nea.”

Yohanis 7:31

Ne arihon sio panesi wason noi rei mo, sio panesi oparisaa tanui. Oahata, “Ia seia man iuna kua sima-simana waron ratuhete ata ne kawasa arihon Anahatana panesi sani Ia onate reini tewa. Reiso, Ia onate reini mo, titue-tue Ia mo, Ia Aia wain Anahatana Ihitiki na Iapuheu Mansiau reini nea rei, tea!”

Yohanis 9:33

Munata Ia onate rei ihokai on roe Anahatana tewa, mka imaha iuna sae isa tewa.”

Atata 13:16

Reiso Paulus ihitioi roe, oyo isopo tau hanai na sio oamaturuso. Iahata, “Wea kakau, wea waniu. Omi Israel runa omi tamena wani oamuira Anahatana! Masi oatinu tau rei!

Atata 14:27

Hoka pan oyo, uaso oanaha runa sio pusiso wason oparisaa, nanie osima runa Anahatana iuna sae pusu sio. Oruni rerihoni sapani na Anahatana iheka arena na sio wason sio Yahudiu tewa oparisaa tau Yesus.

Atata 2:19

Mka au una sima-simana na sio osira. Mka onoore roe nante. Mka onoore poe tuamane. Mka au una sima-simana tau we kawasa mai tuniai reini na onoo nasi, usa, runa wenue kapitorone.

Atata 2:43

Anahatana irui kawasa osi sio maisosia na ouna sima-simana sui osa, reiso sio pusiso osira. Okaitau.

Atata 21:28

Osotai oyo oaka-kapona, “He omi Israel. Masi oeu mai na oakahaima. Ia reini sahoro ieu ihori sui supan-supan man iatuheteso na openeso tau ita Yahudiu. Iatuheteso na pene opusu Musa ne maunauna. Iatuheteso na pene oamuira Anahatana ne numa nusue reini. Muie reini irori sio wason sio Yahudiu tewa na onusu mai Anahatana ne numa mainisie reini na iapaputi ne numa monne nea. Ne numa wani monne tau Anahatana wain tanui.”

Atata 22:8

Oyo uasei, ‘Upu, ano seia rei?’ Iahata, ‘Au reini mo, Au Yesus on poe nia Nasaret. Au sahoro ano wani auna au sinsaraku. Auna we mampusua sinsaraso, areimo sani auna au ruaku sinsaraku.’

Atata 24:5

Ami asupu ia reini mo iuna neka mansia panesi. Iakarema panesi sui supan-supan man sui tuniai reini pusiki iuna sio Yahudiu ouna purie. Ia sahoro iaisosi sio wason opusu ia wain on pan nia Nasaret.

Atata 26:26

Aia Agripa ruai ianei ata au wani uasau rerihoni Yesus titue. Reiso tau ia aia Agripa ianei nea rerihoni sae waron uasau rei, uanamana umoni tewa. Au uanei ia-ia ata ianei pusire rerihoni Yesus. Ianei oi ata sio ouna sani uasau rei osi Yesus, oauhuniso tewa. Ounai mai manahane.

Atata 26:9

Naone au ruaku uahata kahurae au unesi sio wason oparisaa tau Yesus, ia wain on pan nia Nasaret rei.

Atata 3:12

Petrus inooso, oyo iasau osiso san rei, “Omi Israel. Osira tau rei, nanie tahae? Oasumatama, nanie tahae? Oahata ia reini wain ieui tau ami ruama mani kawasa te? Tau ami manisata onate te?

Atata 3:6

Oyo Petrus iasau, “Au we kepen inate isa tewa. Ne nanie urui sae isa honu osia. Tau Yesus Kristus wain on pan nia Nasaret ne kawasa, masi ruam aeu.”

Atata 4:10

Reiso kahurae omi runa sio Yahudiu pusimo oanei ata ia rei wain ioo iamananemo mai rei tinain iake nea, tau Yesus Kristus, ia wain on pan nia Nasaret rei, ne kawasa. Yesus reimo, omi orerei roe hini wani reniene. Ne Anahatana iapuhaiki honu.

Atata 5:35

Reiso sio maisosia ohokaso oyo, iasau osi sio onata san rei, “Omi Israel. Ainati. Oarinii ia-ia rerihoni nanie ouna sae runa sio reini.

Atata 6:14

Ami atinui. Iahata, ‘Yesus mo, ia wain on pan nia Nasaret rei, mka ikuka Anahatana ne numa rei, oyo ipesi pusi re monna rairo waron isupure arihoni Musa.’”