Atata 2:17 - Anahatana ne Anamanaya tau Sou Naunue

¹⁷ Mka tuniai reini haineke tihoniki, oyo urui-rui We Inaha osi sio pusiso. Reiso moa hehuka mka oaunauso tau we anamanaya, Sio honua onoo masasua rerihoni au, Au mka una sio mtuana oneke oamnii.

Atata 2:17 ပူးပေါင်းရင်းမြစ်များ

Lukas 3:6

Na mansia pusiki mka onoo Ia wain Anahatana iaisosiki mai tuniai reini na iapuheu ne mansiau na pene Anahatana iapasanaso.”

Yohanis 17:2

Tea mo, arui kawasa tau mansia pusiki osiku nea na Au una sio pusiso wason aruiso osiku rei oamahaiso okataya rotu-tu ria supan.

Yohanis 7:39

Yesus waimo ianamana rerihoni Anahatana ne Inaha. Sio wason oparisaa tau Yesus mo, mka Anahatana irui ne Inaha osiso. Ne Anahatana iruiki tewasi tau Yesus imatai na isaa isupu muiran manetane roe noiyaha tewasi.”

Atata 10:45

Sio Yahudiu wason oparisaa tau Yesus wason opusu Petrus on pan Yope, sio pusiso osira onoo ata Anahatana irui Ne Inaha osi sio wason sio Yahudiu tewa oi.

Atata 11:27

Tau muie rei, sio mamsima runa Anahatana ne anamanaya umau ohokaso poe Antiokhia on roe kota Yerusalem.

Atata 11:28

Ia mamsimane isa wain nanai Agabus iamanou runa sio wason oparisaa, oyo ihitioi roe. Isupu kawasa rerihoni Anahatana Ne Inaha na isima runa pan muie mka sapan. Iahata, “Potuina tewa nea, oyo sio pusiso sui tuniai reini mo, osupu muaine tewa nea.” (Poe oyo, ereeu san rei sirinia pannuhu Klaudius wain ia natu.)

Atata 2:16

Ne areini sani masuae ia mamsima runa Anahatana ne anamanaya wain nanai Yoel isima runa pan muie mka sapan. Iasau sani Anahatana iasau san rei,

Atata 2:18

Osi we manorina iae, sio hanaia runa sio pinau pusiso, mka urui-rui We Inaha osiso tau umetene reinau na oaunauso tau we anamanaya.

Atata 2:33

Anahatana iapusaai roe noiyaha. Wairo isupu muiran manetane rerihoni Anahatana nea, reiso wain iruei hae hanai wanane. Anahatana irui Ne Inaha osiki nea sani masuae itotoe. Oyo Yesus iruiki osima sani omi wani onoo runa oatinu reini.

Atata 21:9

Ia ne sio pina hehuka ate. Osupu kawasa on roe Anahatana na osima-sima runa ne anamanaya.

Yakobis 5:3

Mo hunahane, mo perak rasisinaso nea. Mka sio onoo san rei samatoro oanei ata Anahatana mka iapasanamo. Mka iaisosimo oeu poe usa mainae hainau arihoniki rotu-tu ria supan. Reiso sani sisinate ereai mo hunahane mo perak, mka usa raai mo patana san rei oi. Oamanou kepen runa apia, aikee tuniai reini nanie erepena nea. Reiso mka osupu mo sae?