Atata 17:32 - Anahatana ne Anamanaya tau Sou Naunue

³² Sio oatinu Paulus iasau ata Anahatana iapuhaiki honu rerihoni sio matana, oyo sio umau oaumaniki. Ne sio uamu honu oasau, “Ami nanie atinu ano anamana rerihoni rei honu.”

Atata 17:32 ပူးပေါင်းရင်းမြစ်များ

Lukas 14:18

Ne sana osa-osa oasau ata ohoka iake tewa. Ia waini mataanoe iasau, ‘Pene anom resaa. Tea mo, mato uhane we tuamane mkane. Reiso kahurae ueu unooi ee.’

Lukas 22:63

Sio mamsaka Anahatana ne numa mainisie wason osaka Yesus rei ouna pumaa Yesus na ohitai.

Lukas 23:11

Oyo Herodes runa ne tantarau oataenai oaumaniki. Oyo oausahu papi aia osiki, samatoro Herodes iaisosiso ororiki poe Pilatus honu.

Lukas 23:36

Sio tantarau rei oataena Yesus oi. Nanie ounai ininu tihu anggur wan maninue.

Atata 13:41

‘Oatinu ia-ia omi wani oanamana kahatene rerihoni Anahatana ne anamanaya! Mka osira, oyo omatamo! Tau sae, tau napisi rei, au mka uunamo sinsaramo mainae rotu-tu oparisaa tewa nea. Masike oatuhetemo tanui iae, oparisaa tewa.’”

Atata 17:18

Sio matuhetena wason oanei panesi rerihoni tikane Epikuros runa tikane Stoa ohunu anamanae runai oi. Sio umau oasau san rei, “Ia reini mo, ianei sae? Iasau ata ianei sae isa. Aikee iasau sae isa tewa wani iake.” Sio umau honu oahata, “Kani wain isima na sio rakana no anahatanau?” Sio oasau san rei tau isima na Sou Iake rerihoni Yesus imatai oyo iamahaiki honu.

Atata 17:31

Tau sae, ihete umetene nea na mka iarinii sio tuniai reini pusiso manisate. Iarinii ia sia wain titue na ia sia wain titue tewa. Ia wain mka iariniiso, Anahatana ihitiki nea. Anahatana iapuhaiki honu rerihoni sio matana nea na ita ianei mka iariniita.”

Atata 17:33

Oyo Paulus ieu iarihoni sio rei.

Atata 2:13

Ne sio umau honu oaumanso, reiso oahata, “Oninu, reiso omukeso.”

Atata 24:25

Paulus iaunaui rerihoni sapani na ita iamanisa, sapani na iamtou hanari, iamtou airi na pene ipalalosa, runa sapani na mka ranie hatae isa Anahatana iarinii pusita. Iarinii ia sia wain titue na ia sia wain titue tewa. Oyo Peliks ikaitau. Reiso iasau osi Paulus, “Ano bisa aeua nea. Ne munata mka patapariku tewa, au uanaha runaya.”

Atata 25:19

Hasae otuntana runai rerihoni sapani na kahurae sio oainaa runa Anahatana. Otuntana runai rerihoni ia wain nanai Yesus wain imatai. Ne Paulus iasau ata wain iamahaiki.

Atata 26:8

Sapan na omi Yahudiu oparisaa tewa ata Anahatana ne kawasa iapuhai sio matana?