Atata 17:13 - Anahatana ne Anamanaya tau Sou Naunue

¹³ Sio Yahudiu pan Tesalonika oatinu ata Paulus wain isima na Anahatana ne anamanaya osi sio poe Berea oi, oyo sio umau ohoka poe. Ohoka poe, nanie ouna sio poe rei ouna purie runa openeso tau Paulus.

Atata 17:13 ပူးပေါင်းရင်းမြစ်များ

Lukas 12:51

Pene oarinii ata uhokaku mai tuniai reini mo, nanie una mansiau ouna iake runa umau, areimo tewa! Ne uhokaku na una mansiau oatana na umau.

Atata 14:2

Ne sio Yahudiu umau openeso oparisaa tau Yesus, reiso oapamanu sio wason Yahudiu tewa na ouna sio rei anoo rasaa tau sio wason oparisaa.

Atata 17:1

Paulus runa Silas oeuso honu oniku nia Amfipolis runa nia Apolonia rotu-tu ohokaso poe kota Tesalonika. Poe kota rei, sio Yahudiu no numa mananoune isa wapo.

Atata 17:10

Pumono pan san rei oyo, sio wason oparisaa oaisosi Paulus runa Silas oeuso poe nia Berea. Hoka poe oyo, onusu pan sio Yahudiu no numa mananoune.

Atata 17:5

Sio Yahudiu umau opusu Paulus sio, reiso sio Yahudiu tamena oanana. Opusu sio rei tewa nea. Reiso oamanou sio kahatena umau wason oru-rueso ria pasar. Oamanou sio rei, oyo pusiso ouna purie ohori sui kota rei. Sio oruru umau otentene na onusu pan Yason ne numa onina Paulus runa Silas, nanie oautunso oamanane sio hutue.

Atata 20:4

Sio umau oeu okata Paulus. Sio reimo wason: Sopater, (amai tau Pirus, ia Berea), Aristarkhus, Sekundus, (ia Tesalonika), Gayus, (ia Derbe), Timotius, Tikhikus, (on pan otoe Asia) Trofimus, (on pan otoe Asia oi).

Atata 21:27

Onona itu rai haineke pusire nea, oyo sio Yahudiu umau on poe otoe Asia onoo Paulus pan Anahatana ne numa mainisie nene nusue. Oyo ouna sio hutue ouna purie samatoro osotai.

Atata 6:12

Reiso onana sio rei anoo, oawaruso. Oawaru sio matuhete Musa ne maunauna runa sio ona Yahudi nesia rei oi. Oyo osota Stefanus, samatoro ororiki iamanane sio ona Yahudiu.