Atata 15:8 - Anahatana ne Anamanaya tau Sou Naunue

⁸ Anahatana wain iationa tumata anoi pusiki iatuheteta nea ata anoi runa sio oi. Iatuheteta tau irui Ne Inaha osiso sani iruiki osi ita oi.

Atata 15:8 ပူးပေါင်းရင်းမြစ်များ

Yohanis 21:17

Ita Yesus iasei tau Petrus nai osa honu. “Simon, Yohanis anai. Ano mo, anom runa Au te tewa?” Iatinu san rei oyo anoi rekahate pusiki. Tea mo, Yesus iasei tanui nai tonu nea ata anoi runai te tewa. Oyo iasau osi Yesus ata, “Upu, Ano anei pusire. Anei ata au mo, anoku runaya.” Ita Yesus iasau osiki honu ata, “Munata san rei mo, apiara we mansiau wason oparisaa tanuku ia-ia, noo sani ia mamsaka rompau iapiara ne rompau.

Yohanis 5:37

Amaku wain iaisosiku rei iae ruai isima runa Au. Omi mo, oatinu nioi tewa nai osa. Te onooi iae tewa oi.

Atata 1:24

Oyo oainisi san rei, “Upu. Ano anei pusiso anoo nea. Autuu na asima ia seia rerihoni sio ua reini sahoro ano aniniki

Atata 10:47

“Masi onoo, sio rei osupu Anahatana Ne Inaha sani ita nea. Sapan na ia isa isopo na pene osohuso tau tihu na mansiau oanei ata oarihoni no rosau nea?”

Atata 14:3

Reiso uaso orueso potuina pan rei. Oaunauso rerihoni Upuri, okaitau tewa. Upuri iatuheteso ata sio no maunauna rerihoni sapani na irui iake osiso areimo manisate. Iatuheteso tau irui kawasa osiso na ouna sima-simana waron retuhete ata no kawasa rerihoni Anahatana runa sima-simana raasiraso. Sima-simana sani osuiseneso runa onei sakahatena.

Atata 15:28

Anahatana Ne Inaha runa ami pusima apamata sou na pene aisosimo opusu Musa ne maunauna pusire ouna mtinte tanumo. Hasae maunauna mkana rai kahurae omi opusure.

Atata 2:4

Anahatana Ne Inaha irui kawasa osi pusiso, oyo oanamana tau sou waron sio ruao oaneire tewa.

Atata 4:31

Oainisi pusi oyo, naniao mananoune rei erekoka. Oyo Anahatana Ne Inaha irui kawasa osiso na osima runa Anahatana ne maunauna. Okaitau tewa.