Atata 14:8 - Anahatana ne Anamanaya tau Sou Naunue

⁸ Paulus runa Barnabas ohokaso nau nia Listra, oyo osupu ia isa wain ieu ise-ise. Ia reimo iamrae san rei. On iamrae ieui tau ain tewasi. Ain atua manna.

Atata 14:8 ပူးပေါင်းရင်းမြစ်များ

Yohanis 5:7

Iahata, “Upu! E-e. Unina na we kupue rein iake. Ne waene reini nisue kani ia sia nanie iakahaiku na usipu poe waene reini? Ruaku nanie usipu, ne ukua tewa. Ia isa ianaoneku sui osa.”

Atata 14:21

Hoka pan nia Derbe oyo, Paulus runa Barnabas uaso osima na Sou Iake rerihoni Yesus rotu-tu sio panesi ouna Yesus ne mampusua. Oyo uaso onuniso poe nia Listra, nia Ikonium runa kota Antiokhia poe otoe Pisidia honu.

Atata 14:6

Ne uaso oatinu rerihoni kaheute rei, reiso orumaso nau nia Listra, nia Derbe runa otoe Likaonia pusiki.

Atata 16:1

Paulus ieu ikata Silas honu rotu-tu ihokai poe nia Derbe, oyo ieui poe nia Listra. Hoka poe oyo, isupu ia mampusue isa nanai Timotius. Inai, ia Yahudi. Iparisaa tau Yesus nea. Ne amai, ia Yunani.

Atata 3:2

Roe ne numa rei, onoo sio wason orori ia wain italae isa. Ia rei, italae on ia iamrae asi. Ranie hatae isa ereeu mai poua tonu rei oautuei haineke mitanunue wani nanae, “Mitanunu Iake” na iainisi kepen rerihoni sio wason onusu pan Anahatana ne numa mainisie nusue.

Atata 4:9

Omi wani oasei tanuma ranie hatae reini tau ami auna iake. Akahai ia wain naone italai rei. Reiso nanie oanei sapani na asuisenei rotu-tu ia iake nea.

2 Timotius 3:11

Uapamese pannuhu sio ouna au sinsaraku. Ano anei ata sio ouna sinsaraku sui niane Antiokhia, niane Ikonium, runa niane Listra. Ne masike sinsaraku iae, uapamese, oyo Upuri iakahaiku na uamahaiku sirinia.