Atata 13:47 - Anahatana ne Anamanaya tau Sou Naunue

⁴⁷ Tau sae, Upuri iaisosima san rei, ‘Uhitia nea na ano atuhete sio wason sio Yahudiu tewa rerihoni au sani kamane itane resita retuheteso tau sae isa na tau omi oaunauso, uapuheu sio pusiso mai tuniai reini na oamahaiso rotu-tu ria supan.’”

Atata 13:47 ပူးပေါင်းရင်းမြစ်များ

Markus 16:15

Oyo Yesus iasau osiso ata, “Oeu ohori niana-niana pusire mai tuniai reini. Osima na Sou Iake rerihoni Au. Osima osi sio pusiso mai tuniai reini.

Lukas 2:32

Mka iuna sio wason sio Yahudiu tewa oi oanei ata mka iapuheuso na pene apasanaso na pusu Ia oamahaiso rotu-tu ria supan sani kamane eresita na ianei arena. Mka iunaso oamuira me mansiau, ami Israel.”

Lukas 24:47

Okanu ata we mampusua mo, mka oeu osima ata mansia pusiki kahurae oarihoni no rosau. Oarihoni no rosau oyo Anahatana mka iapasanaso tewa nea. Mka osima on mai kota Yerusalem rotu-tu sio niana-niana pusiso mai tuniai reini. Osima na Au Aia reini we kawasa.

Atata 1:8

Ne mka osupu kawasa. Anahatana Ne Inaha mka ihokai tanumo, oyo osima runa au mai kota Yerusalem reini, sui otoe Yudea pusiki, poe otoe Samaria, rotu-tu tuniai reini nene rurue.”

Atata 22:21

Iahata, ‘Masi aeua. Tau sae, au mo, mka uaisosia aeu hainau noi sio wason sio Yahudiu tewa.’”

Atata 26:23

Pusima asau ata Ia Aia wain Anahatana Ihitiki na Iapuheu ne Mansiau mka sinsarai, oyo iuna tumata wain mataanoe imatai, oyo iamahaiki honu. Iamahaiki na isima osi sio Yahudiu runa sio wason sio Yahudiu tewa ata Anahatana mka iapuheuso na oamahaiso rotu-tu ria supan. Sani kamane resita na onoo pusire, Anahatana iapuheuso pusu iunaso oanei ne maunauna.”

Atata 9:15

Ne Upuri iasau san rei, “Masi aeua. Au mo, unini ia rei nea na ianori runaku. Mka isima runa au osi sio wason oationa Anahatana tewa, osi sio no aiau, runa sio Israel oi.