Atata 13:41 - Anahatana ne Anamanaya tau Sou Naunue

⁴¹ ‘Oatinu ia-ia omi wani oanamana kahatene rerihoni Anahatana ne anamanaya! Mka osira, oyo omatamo! Tau sae, tau napisi rei, au mka uunamo sinsaramo mainae rotu-tu oparisaa tewa nea. Masike oatuhetemo tanui iae, oparisaa tewa.’”

Atata 13:41 ပူးပေါင်းရင်းမြစ်များ

Lukas 16:14

Yesus ianamana osi sio panesi, sio onata arihon akama Yahudi iae wasumo rei oi. Reiso oatinu Yesus ianamana rerihoni sio kupan na sio wason anoo tau no numa hutae mo, oaumaniki. Tea mo, sio onata rei anoo runa kepen.

Lukas 23:35

Sio panesi wasumo ooso oasumata. Sio mainaya arihoni akama Yahudi iae wasumo oataena Yesus oahata, “Iapuheu mansia tamena. Reiso, munata Ia mo, titue Ia Aia wain Anahatana Ihitiki na Iapuheu Mansiau wain Anahatana ininiki, areimo, tapiki na iapuheu ruai.”

Atata 13:47

Tau sae, Upuri iaisosima san rei, ‘Uhitia nea na ano atuhete sio wason sio Yahudiu tewa rerihoni au sani kamane itane resita retuheteso tau sae isa na tau omi oaunauso, uapuheu sio pusiso mai tuniai reini na oamahaiso rotu-tu ria supan.’”

Atata 22:21

Iahata, ‘Masi aeua. Tau sae, au mo, mka uaisosia aeu hainau noi sio wason sio Yahudiu tewa.’”

Atata 3:23

Sio sahoro oatinu tau ia tewa, sio rei, sio osa runa Anahatana ne mansiau tewa nea.’

Atata 6:14

Ami atinui. Iahata, ‘Yesus mo, ia wain on pan nia Nasaret rei, mka ikuka Anahatana ne numa rei, oyo ipesi pusi re monna rairo waron isupure arihoni Musa.’”

1 Tesalonika 2:16

Sio onete rea na pene ami aunau sio wason sio Yahudiu tewa. Aunauso na Anahatana iapuheuso na oamahaiso rotu-tu ria supan. Sani ia isa iapatau tihu tau koinanae rotu-tu taue, sio opalalosa rotu-tu Anahatana iapamese tewa nea. Reiso tau muie anoi resaa. Anoi resaa reiso iapasanaso.