Atata 13:30 - Anahatana ne Anamanaya tau Sou Naunue

³⁰ Ne Anahatana mo, iapuhaiki honu rerihoni sio matana.

Atata 13:30 ပူးပေါင်းရင်းမြစ်များ

Yohanis 10:17

Amaku anoi runaku. Areimo tau urui ruaku na umataku hete sae we rompau ramahaiso. Ne umataku, mka uamahaiku honu.

Yohanis 2:19

Oyo Yesus iasau osiso ata, “Okohu Anahatana ne numa mainisie reini, mka onona ua mani oo, uapuooi honu.”

Atata 10:40

Ne nene pouarei oyo, Anahatana iapuhaiki honu rerihoni sio matana, oyo iatuhetei osi sio umau na onooi.

Atata 13:33

areimo iunai nea osi ita, noa upu pusita. Iuna san rei, iapuhai Yesus rerihoni sio matana nea. Masuae, tau aia Daud ne Sura Kapatau ikanu sani Anahatana iasau osi anai Yesus san rei, ‘Ano mo, Au Anaku, Ranie hatae reini uapuhaia honu, reiso sio pusiso oanei nea ata Au reini mo, Au Amam.’

Atata 13:34

Rerihoni iapuhaiki honu rerihoni sio matana runa imatai tewa nea, Anahatana iasau osiki san rei, ‘Mka urui osia sae wani utotoe osi Daud.’

Atata 13:37

Ne ia sahoro Anahatana iapuhaiki honu mo, tinain rekopu tewa nea.

Atata 17:31

Tau sae, ihete umetene nea na mka iarinii sio tuniai reini pusiso manisate. Iarinii ia sia wain titue na ia sia wain titue tewa. Ia wain mka iariniiso, Anahatana ihitiki nea. Anahatana iapuhaiki honu rerihoni sio matana nea na ita ianei mka iariniita.”

Atata 2:24

Omi ohunui oyo, Anahatana iapuhaiki honu rerihoni sio matana. Inanai na pene sinsarai runa sio matana. Ia mka imatai rotu-tu ria supan tewa.

Atata 2:32

Yesus rei, Anahatana iapuhaiki honu. Ami ruama anoo ata wain iamahaiki nea.

Atata 3:13

Anahatana wain Abraham, Isak, Yakup, runa rea momou rea upu pusiso oainaa runai iuna mainae tau Yesus, ia ne manorine nea. Yesus rei, omi oruiki osi sio wason no kawasa ohunui. Pilatus nanie ialapasiki ne omi openemo.

Atata 3:15

Reiso ohunu ia wain iapuhaiso. Ne Anahatana iapuhaiki honu rerihoni sio matana. Ami anoo ata wain iamahaiki honu, reiso asima osimo.

Atata 3:26

Reiso Anahatana inini Yesus tau ne manorine, oyo iaisosiki ihokai mai tanumo naone na irui iake osimo. Irui iake rei tau iunamo oarihoni mo arena kahatena rai.”

Atata 4:10

Reiso kahurae omi runa sio Yahudiu pusimo oanei ata ia rei wain ioo iamananemo mai rei tinain iake nea, tau Yesus Kristus, ia wain on pan nia Nasaret rei, ne kawasa. Yesus reimo, omi orerei roe hini wani reniene. Ne Anahatana iapuhaiki honu.