Atata 13:29 - Anahatana ne Anamanaya tau Sou Naunue

²⁹ Oaisosiso ohunui, reiso ouna pusire osiki nea waron sio mamsimana okanure tau Anahatana ne anamanaya, oyo sio umau honu oaputunui on roe hini wani reniene, samatoro oaunutui pan hatu nohue.

Atata 13:29 ပူးပေါင်းရင်းမြစ်များ

Markus 15:42

Ranie hatae rei, areimo ranie hatae wan sio oatanunu tau hanroe. Tea mo, hanroe mo, ranie hatae wan iamuira Anahatana. Tau ran manne nea,

Lukas 23:50

Ia hanaie isa nanai Yusup. Ne kota nanae Arimatea. Kota rei mo, wapan otoe Yudea. Yusup mo, ia wain ne hali iake mainae. Iamanisa. Wain inapa-napa Anahatana irime ne mansiau. Ia mo, ia osa arihon sio ona Yahudiu. Ne ohunu Yesus mo, iamanaku tewa.

Lukas 23:53

Pusi oyo, Yusup ieu irati Yesus hatai arihon hini wani reniene rei. Oyo iopai tau nipa ohie. Oyo, Yusup irori Yesus tinain hatai rei oyo iaunutui pani kupuro. Kupuro rei mo, okaniki pani hatu anoe. Kupuro rei mo, honue asi. Sio umau oaunutu matane pan anoe tewasi.

Lukas 24:44

Iasau osiso iahata, “Oni ukatamo asi mo, uasau osimo nea. Uasau ata Musa ne maunauna, Sura Kapatau, na sae waron sio mamsima runa Anahatana ne maunauna okanu rerihoni Au pusire mka raeu.”

Yohanis 19:28

Yesus ianei nea ata tanei waron Anahatana iaisosiki iunare rei mo, iuna pusire nea. Ne ianei ata sio okanu tau Anahatana ne anamanaya reiso iasau ata, “Anoku kasae.”

Yohanis 19:30

Yesus iahana tihu anggur wan maninue rei oyo iasau ata, “Au una pusire nea.” Oyo ikanahatai oyo watipusi nahai.

Atata 13:27

Ne sio ona Yahudiu runa sio pusiso wason oru-rueso roe Yerusalem oanei tewa ata ia rei wain Ia Aia wain Anahatana Ihitiki na Iapuheu ne Mansiau rei. Sio mo, oanei tewa sio mamsima runa Anahatana ne anamanaya no maunauna rerihoni Yesus. Aikee maunauna rai, ohatae tanure tau ranie hatae wan sio Yahudiu oamuira Anahatana sui osa. Oanei tewa, reiso nanie ohunui. Ne oaisosiso ohunui san rei, areimo nene nohue ouna sani sio mamsimana oaunutu anoo naone.

Atata 2:23

Aikee orui Yesus osi sio umau ohunui, oyo omi otapi sio kahatena opakui roe hini wani renienei. Reiso omi ohunui. Ne areini erepusu Anahatana ne kaheute. Ianeiki naone.

Atata 26:22

Ne rotu-tu reini Anahatana iakahaiku. Reiso wani uooku mai rei na usima rerihoni Yesus osi sio pusiso, sio mainaya runa sio wason sio mainaya tewa. Sae waron uasau rei runa sae waron sio mamsima runa Anahatana ne anamanaya runa Musa oaunutu anoo tanure, pusire osa.

Atata 4:28

Oamanouso na ouna pusire waron ano aunuture tau me kawasa runa me kaheute naone na ereeu san rei.

Atata 5:30

Anahatana wain rea upu oainaa runai iapuhai Yesus honu. Yesus rei, omi ohunui tau opakui roe hini wani reniene.