Atata 13:24 - Anahatana ne Anamanaya tau Sou Naunue

²⁴ Ne Yohanis mo, iaunau sio Israel pusiso na oarihoni no rosau samatoro isohuso na mansiau oanei ata oarihoni no rosau nea. Yohanis iaunauso san rei samatoro Yesus iaunauso.

Atata 13:24 ပူးပေါင်းရင်းမြစ်များ

Markus 1:1

Au nanie usima na Sou Iake rerihoni Yesus Kristus. Yesus Kristus mo, Anahatana Anai. Sou Iake rei nene aikune wan san naone wan ia mamsima runa Anahatana ne maunauna isa wain nanai Yesaya ikanui. Ikanu ata Anahatana iasau osi Anai, Yesus, san rei, “Anahatana iasau ata, ‘Au mka uaisosi we ia mamsimane isa ianaone. Ia mka iseka tau mansia anoo, noo sani oseka tau arena osi aia, na inikui noi arena rei.

Lukas 1:76

“Anaku, mka sio oaoia tau ano mamsima runa Anahatana wain Ia Mainae nai osa ne maunauna. Ano mka anaone arihoni Upuri na aunauso na oatinu tanui iake, sani aseka tau arena osiki na ieu sui arena reimo, iake.

Atata 10:37

Oanei iuna sae. Mataanoe iuna ria otoe Galilea oyo sui otoe Yudea pusiki. Yohanis iaunauso na oarihoni no rosau oyo isohuso na mansiau oanei ata oarihoni no rosau nea, oyo Sou Iake rerihoni Yesus nene aikune ria otoe Galilea.