Atata 12:12 - Anahatana ne Anamanaya tau Sou Naunue

¹² Petrus ianei nea, oyo ieui ria Maria ne numa. Maria rei sahoro Yohanis inai. Yohanis, sio oaoiki tau Markus oi. Ria ne numa rei, sio panesi oamanouso nea. Sio wason oainisi.

Atata 12:12 ပူးပေါင်းရင်းမြစ်များ

Atata 12:25

Barnabas runa Saulus orori kepen pan otoe Yudea osi sio wason oparisaa, oyo onuniso on roe kota Yerusalem. Onuni okata Yohanis Markus.

Atata 12:5

Reiso osaka-saka Petrus pan pui anoe. Ne sio wason oparisaa rei, wason oai-ainisi runa anoo pusire tau Anahatana osiki.

Atata 13:13

On nau Papos, Paulus sio osaa kapane honu rotu-tu ohokaso nau nia Perga poe otoe Pampilia. Hoka poe oyo, Yohanis Markus ieu iarihoniso, nanie inuniki roe Yerusalem.

Atata 13:5

Hoka nau nia Salamis, oyo ohori sio Yahudiu no numa manouna osima na Anahatana ne anamanaya. Yohanis Markus ieu ikataso oi na iakahaiso.

Atata 16:40

Uaso ohoka rerihoni pui anoe rei, oyo oeuso pan Lidia ne numa. Hoka pan oyo, oamanouso runa sio wason oparisaa pusiso. Oakahaiso tau no maunauna, oyo oeu oarihoni niane rei.

Atata 4:23

Sio onata ohoka Petrus runa Yohanis arihoni pui anoe, samatoro uaso onuniso pan no netau wason oparisaa rei. Hoka pan, oyo osima runa sio imam onata runa sio ona Yahudi nesia rei oasau sapan.

2 Timotius 4:11

Hasae Lukas sahoro ikataku asi. Aeu mai akata Markus. Tau sae, ianei iakahaiku uanori runa Anahatana.

Pilemon 1:24

Markus, Aristarkus, Demas, runa Lukas oauwatu tapeae osia oi. Sio reimo oakahaiku osima runa Yesus.