Atata 11:27 - Anahatana ne Anamanaya tau Sou Naunue

²⁷ Tau muie rei, sio mamsima runa Anahatana ne anamanaya umau ohokaso poe Antiokhia on roe kota Yerusalem.

Atata 11:27 ပူးပေါင်းရင်းမြစ်များ

Lukas 11:49

Reiso, Anahatana wain ianei sae waron iaka runa sae waron iaka tewa iahata, ‘Mka uaisosi sio mamsima runa we maunauna runa we maisosia umau osi omi Yahudiu. Ne mka ohunu sio umau, sio umau mo, mka ouna sinsaraso.’

Atata 11:20

Ne sio umau rerihoni sio rei wason on nau nusa Siprus runa sio rerihoni nia Kireneu. Sio rei oeuso poe Antiokhia. Hoka poe oyo, oaunau sio wason sio Yahudiu tewa. Osima na Sou Iake rerihoni Upuri Yesus.

Atata 11:22

Sio wason oparisaa roe Yerusalem oatinu tau rei, reiso oaisosi Barnabas ieu poe Antiokhia.

Atata 13:1

Tau sio wason oparisaa poe kota Antiokhia wason sio mamsima runa Anahatana ne anamanaya umau runa sio matuhetena umau. Sio reimo wason: Barnabas, Simeon (sio oaoiki tau ia metene), Lukius (ia rerihoni nia Kirene), Menahem (ia wain ia mainae Herodes ne neta on ia ikine asi), Saulus.

Atata 14:26

Hoka nau oyo, osaa kapane, nanie onuniso pan Antiokhia. Sio Antiokhia sahoro oahusieso runa oainisi na Anahatana irui iake osiso na sio oaunauso runa ouna sima-simana. Ouna san rei nea.

Atata 15:22

Reiso sio maisosia, sio onata tau sio wason oparisaa runa sio pusiso wason oparisaa roe Yerusalem rei, oapamata sou nanie onini sio umau rerihoni ruao, oyo oaisosiso oeu okata Paulus runa Barnabas poe kota Antiokhia. Reiso onini Silas runa Yudas, sio oaoiki tau Barsabas oi. Sio ua rei wason sio onata rerihoni sio mamparisaa.

Atata 15:30

Reiso sio oaisosiso oeuso poe Antiokhia. Hoka poe oyo, oanaha runa sio pusiso wason oparisaa, oyo orui surate rei osiso.

Atata 15:32

Yudas runa Silas wason sio mamsima runa Anahatana ne anamanaya oi, reiso oaunau sio wason oparisaa rei rotu-tu potuina runa oakahaiso tau no maunauna runa oakahaiso oparisaa ia-ia.

Atata 18:22

Hoka nau nia Kaisarea oyo, Paulus isipui, samatoro ieui roe kota Yerusalem, nanie iatapea sio wason oparisaa roe rei. Iatapeaso, oyo ieui honu rotu-tu ihokai poe kota Antiokhia.

Atata 2:17

Mka tuniai reini haineke tihoniki, oyo urui-rui We Inaha osi sio pusiso. Reiso moa hehuka mka oaunauso tau we anamanaya, Sio honua onoo masasua rerihoni au, Au mka una sio mtuana oneke oamnii.

Atata 21:4

Reiso ami asupu sio wason oparisaa tau Yesus umau nau rei, oyo aruema akataso rotu-tu onona itu. Sio oasau osi Paulus pusu Anahatana Ne Inaha na pene ieu roe Yerusalem nea.

Atata 21:9

Ia ne sio pina hehuka ate. Osupu kawasa on roe Anahatana na osima-sima runa ne anamanaya.

Atata 6:5

Oatinu tau rei iake, reiso onini: Stefanus. Ia rei, iparisaa mainae. Anahatana Ne Inaha irui kawasa osiki. Pilipus, Prokhorus, Nikanor, Timon, Parmenas, Nikolaus. Ia rerihoni kota Antiokhia. Iamrae, ia Yahudi tewasi, ne inusu Yahudi nea.