Atata 11:23 - Anahatana ne Anamanaya tau Sou Naunue

²³ Hoka poe oyo, Barnabas inoo ata Anahatana irui iake mainae osiso, reiso anoi mirike. Oyo iaunauso na sio rei opusu Anahatana runa anoo pusire.

Atata 11:23 ပူးပေါင်းရင်းမြစ်များ

Markus 2:5

Oratiki oyo, Yesus inoo ata sio rei oparisaa ata Ia mo, imaha heu kupue rei. Taa san rei oyo, Yesus iasau mai ia talae rei ata, “Anaku, me rosau, usiru heure nea.”

Yohanis 15:4

Omi mo, kahurae anomo osa na Au sui osa. Sani anomo osa na Au, mka Au iae anoku osa runa omi oi. Ai sanae wani oretui arihon nene tinaie nea mo, mka reuhua tewa nea. Omi iae sani rei oi. Sani oamahaimo anomo osa runa Au tewa mo, mka oauhua tewa. Areimo, mo hali pannuhu na Anahatana anoi tewa. Reiso kahurae anomo osa na Au na oauhua.

Atata 13:43

Sio onata oaisosi sio wason pan numa mananoune rei onuniso, oyo sio Yahudiu panesi runa sio panesi wason onusu Yahudi nea opusu uaso. Sio wason onusu Yahudi rei oainisi oainaa runa Anahatana. Opususo, oyo uaso oapa-apamanu na sio opari-parisaa ata Anahatana iakahaiso runa irui iake osiso.

Atata 14:22

Sui niana rai, oakahai sio mampusua na oparisaa ia-ia. Oaunauso na oparisaa asi. Oahata, “Kahurae sinsarata panesi naone, samatoro ipusu tau Anahatana irime ne mansiau.”

Atata 14:26

Hoka nau oyo, osaa kapane, nanie onuniso pan Antiokhia. Sio Antiokhia sahoro oahusieso runa oainisi na Anahatana irui iake osiso na sio oaunauso runa ouna sima-simana. Ouna san rei nea.

Atata 15:40

Paulus inini Silas, oyo sio wason oparisaa poe Antiokhia orui uaso osi Upuri na irui iake osiso, samatoro uaso oeuso.

Atata 20:24

Ne ukaitau tewa rerihoni mka umataku. Hete nanie unana we tanei pusiki wani usupui on roe Upuri Yesus. We tanei rei, areimo usima runa Sou Iake rerihoni sapani na Anahatana irui iake mainae osiso.

Atata 20:32

Muie reini mo, uainisi tau Anahatana na isakamo. Uruimo osi Anahatana. Uruimo osi Anahatana ne maunauna rerihoni sapani na irui iake osita na maunauna rai rakahaimo. Pusu omi opusu ne maunauna rai mka irui iake osimo sani iruiki osi sio pusiso wason iuna anoo manisata.

Atata 4:36

Sani rei oi runa Yusup. Sio maisosia oaoiki tau Barnabas (nene nohue Ia Sahoro Iaunau Sio Wasoni Anoo Mtinte). Ia ne ipane Lewi. Iamrae nau nusa wani nanae Siprus.

2 Timotius 3:10

Ne ano mo, ano apusu pusire waron uatuhetea tanure. Ano anei ia-ia uamahaiku sapan. Ano anei rerihoni uheu una sae. Ano anei uparisaa tau maunau titue sapan. Ano anei usapare tanso sapan runa anoku runaso sapan. Ano anei uapamese sapan.

1 Yohanis 2:28

Reiso we hehuka. Kahurae anomo osa runa Kristus sui osa, na mka ihokai honu, pene ikaitau isupui. Pene iaumaa.

3 Yohanis 1:4

Sani uatinu ata we hehuka wason opusu Anahatana ne maunauna waron titue, anoku miri-mirike nai osa.