Atata 11:20 - Anahatana ne Anamanaya tau Sou Naunue

²⁰ Ne sio umau rerihoni sio rei wason on nau nusa Siprus runa sio rerihoni nia Kireneu. Sio rei oeuso poe Antiokhia. Hoka poe oyo, oaunau sio wason sio Yahudiu tewa. Osima na Sou Iake rerihoni Upuri Yesus.

Atata 11:20 ပူးပေါင်းရင်းမြစ်များ

Yohanis 7:35

Oyo sio mainaya arihoni akama Yahudi rei pusiso oasau mai umau. Oahata, “Nanie ieui sui supan tu-tu ita mka isupui tewa? Kani nanie ieui sui niana-niana ikata sio Yahudiu wason orue oneka sio wason sio Yahudi tewa rei na iatuheteso te sae rei?

Atata 11:19

Naone sio ohunu Stefanus, oyo ouna sio wason oparisaa sinsaraso rotu-tu sio pusiso oruma owena-wenaso. Sio umau orumaso poe otoe Penisia, sio umau orumaso nau nusa isa wani nanae Siprus, sio umau honu orumaso poe kota Antiokhia. Sio oau-aunau sio Yahudiu man tau Sou Iake rerihoni Anahatana.

Atata 11:22

Sio wason oparisaa roe Yerusalem oatinu tau rei, reiso oaisosi Barnabas ieu poe Antiokhia.

Atata 11:26

Hoka nau oyo, isupui, oyo iautunui ria Antiokhia. Reiso hoka ria oyo, sio oamanouso runa sio wason oparisaa. Oatuhete sio panesi rotu-tu musum osa. Ria Antiokhia rei sio mato oaoi sio wason oparisaa tau sio Saraneu.

Atata 11:27

Tau muie rei, sio mamsima runa Anahatana ne anamanaya umau ohokaso poe Antiokhia on roe kota Yerusalem.

Atata 13:1

Tau sio wason oparisaa poe kota Antiokhia wason sio mamsima runa Anahatana ne anamanaya umau runa sio matuhetena umau. Sio reimo wason: Barnabas, Simeon (sio oaoiki tau ia metene), Lukius (ia rerihoni nia Kirene), Menahem (ia wain ia mainae Herodes ne neta on ia ikine asi), Saulus.

Atata 14:26

Hoka nau oyo, osaa kapane, nanie onuniso pan Antiokhia. Sio Antiokhia sahoro oahusieso runa oainisi na Anahatana irui iake osiso na sio oaunauso runa ouna sima-simana. Ouna san rei nea.

Atata 15:22

Reiso sio maisosia, sio onata tau sio wason oparisaa runa sio pusiso wason oparisaa roe Yerusalem rei, oapamata sou nanie onini sio umau rerihoni ruao, oyo oaisosiso oeu okata Paulus runa Barnabas poe kota Antiokhia. Reiso onini Silas runa Yudas, sio oaoiki tau Barsabas oi. Sio ua rei wason sio onata rerihoni sio mamparisaa.

Atata 15:23

Sio maisosia runa sio onata tau sio wason oparisaa okanu surate oi oyo oruiki osi ateso na ororiki. Sio okanu san rei, “Osi mania kakau, mania waniu wason sio Yahudiu tewa poe kota Antiokhia runa otoe Siria runa otoe Kilikia. Tapea on roe ami maisosia runa ami onata pusima.

Atata 15:30

Reiso sio oaisosiso oeuso poe Antiokhia. Hoka poe oyo, oanaha runa sio pusiso wason oparisaa, oyo orui surate rei osiso.

Atata 17:18

Sio matuhetena wason oanei panesi rerihoni tikane Epikuros runa tikane Stoa ohunu anamanae runai oi. Sio umau oasau san rei, “Ia reini mo, ianei sae? Iasau ata ianei sae isa. Aikee iasau sae isa tewa wani iake.” Sio umau honu oahata, “Kani wain isima na sio rakana no anahatanau?” Sio oasau san rei tau isima na Sou Iake rerihoni Yesus imatai oyo iamahaiki honu.

Atata 18:22

Hoka nau nia Kaisarea oyo, Paulus isipui, samatoro ieui roe kota Yerusalem, nanie iatapea sio wason oparisaa roe rei. Iatapeaso, oyo ieui honu rotu-tu ihokai poe kota Antiokhia.

Atata 2:10

otoe Prigia, otoe Pampilia, otoe Mesir, otoa pan Libia haineke nia Kirene, sio umau wason okata ita rerihoni kota Roma oi.

Atata 4:36

Sani rei oi runa Yusup. Sio maisosia oaoiki tau Barnabas (nene nohue Ia Sahoro Iaunau Sio Wasoni Anoo Mtinte). Ia ne ipane Lewi. Iamrae nau nusa wani nanae Siprus.

Atata 5:42

Ranie hatae isa ereeu mai poua tonu rei sui osa sio oatuhete runa osima runa Sou Iake ata Yesus wain Ia Aia wain Anahatana Ihitiki na Iapuheu ne Mansiau. Oatuheteso pan Anahatana ne numa mainisie, oatuheteso sui sio no numau.

Atata 6:1

Tau muie rei, sio panesi honu ouna sio mampusua sana ua-ua, sana wanu-wanu. Oyo sio Yahudiu wason oanamana sou Yunani oakarupu rerihoni sio Yahudiu wason oanamana sou Yahudi. Oahata, “Taa osama sio pina uhanu mo, osama ami ma sio pina uhanu tewa.”

Atata 6:5

Oatinu tau rei iake, reiso onini: Stefanus. Ia rei, iparisaa mainae. Anahatana Ne Inaha irui kawasa osiki. Pilipus, Prokhorus, Nikanor, Timon, Parmenas, Nikolaus. Ia rerihoni kota Antiokhia. Iamrae, ia Yahudi tewasi, ne inusu Yahudi nea.

Atata 6:9

Ne sio umau nanie otuntana runai. Sio rei rerihoni numa mananoune osi sio Yahudiu wani sio oaoiki tau numa mananoune osi sio manianeu wason naone rei. Sio rei wason sio Yahudiu on pan nia Kirene runa nia Aleksandria, runa sio on poe otoe Kilikia runa otoe Asia. Reiso sio rei otuntana runai.

Atata 8:35

Reiso Pilipus isima na Sou Iake rerihoni Yesus. Inana mamrunie rei sani aikune nanie isima na Sou Iake.

Atata 8:5

Pilipus ieui poe niane isa poe Samaria, oyo isima na Ia Aia wain Anahatana Ihitiki na Iapuheu ne Mansiau.

Atata 9:20

Ananias isohu heu Saulus ne rosau oyo, mata huni oyo, Saulus ieu iaunauso sui numa manouna osi sio Yahudiu isima iahata, “Yesus mo, ia wain Anahatana anai.”

Atata 9:29

Ianamana iawaru oi runa sio Yahudiu wason oanamana sou Yunani, ne sio onina rea, nanie ohunui.