3 Yohanis 1:2 - Anahatana ne Anamanaya tau Sou Naunue

² We neta wan anoku runaya. Uainisi arihon Anahatana na iunaya akarihuru amahai sui osa noo sani iunaya aparisaa tanui ia-ia nea.

3 Yohanis 1:2 ပူးပေါင်းရင်းမြစ်များ

Pilipi 2:27

Areimo titue. Ikupui rotu-tu sina nanie imatai. Ne Anahatana anoi runai sirinia. Anoi runa ia ruai tewa, ne anoi runa au oi, reiso iheu ne kupue inae rei, tea! Inoo ata anoku mtinte nea rei anoi runaku. Pene rotu-tu anoku mtinte mainae honu.

Pilipi 2:4

Pene onina osi ruamo man ne oakahai umau.

2 Tesalonika 1:3

Mania kakau, mania waniu. Kahurae ami asau osi Anahatana sui osa, “Mania ama. Ano iake tunne nai osa. Sio Tesalonika oparisaa mainae honu sui osa. Anoo runa umau mainae honu sui osa. Reiso ano iake tunne nai osa.” Ami asau san rei, areimo iake.

2 Tesalonika 2:13

Mania kakau, mania waniu wani Upuri anoi runamo. Ami mo, kahurae ami ainisi iake arihoni Anahatana san rei sui osa, “Mania ama. Ano mo, ano iake tunne nai osa. Ano anini sio Tesalonika on ano ahaye tuniai reini tewasi. Aniniso na apuheuso. Aniniso na oamahaiso rotu-tu ria supan. Apuheuso pusu Me Inaha iunaso manisata onata. Apuheuso pusu oparisaa tau maunau titue.

Yakobis 5:12

Ne wea kakau waniu, hutu nohue. Maunaune sae wani mtinte mo, pene osopa ohete Anahatana nanai. Pene ohete nante, pene ohete tuamane, mo pene. Pene ohete sae man. Ne nanie oasau, “E-e,” mo, oasau “E-e” man. Te sani nanie oasau, “Tewa” mo, oasau “Tewa” man. Tea mo, mka Anahatana iapasanamo.

3 Yohanis 1:1

Osi Gayus, we neta wain anoku runaya mainae. Surate reini mo, arihoni au wan au mainae tau sio wason oparisaa tau Kristus.