2 Yohanis 1:3 - Anahatana ne Anamanaya tau Sou Naunue

³ Uainisi arihon Amari Anahatana na Anai, Yesus Kristus ata, “Ama. Upuku Yesus. Masike ami apalalosa iae, rui iake mainae osima sirinia. Anomo runama. Unama akarihuru amahai. Tea mo, apusu nea mo maunauna waron titue na anori na umau.”

2 Yohanis 1:3 ပူးပေါင်းရင်းမြစ်များ

1 Timotius 1:14

Upuri irui iake mainae osiku na uparisaa tau Kristus Yesus nea. Irui iake mainae osiku na anoku runai.

1 Timotius 1:2

Ukanu surate rei osia, Timotius, ano sani anaku susu tau ano aparisaa. Uainisi tau Amari Anahatana runa Upuri Kristus Yesus, “Ama. Upuku Yesus. Masike Timotius ipalalosa iae, orui iake mainae osiki sirinia. Anomo runai. Ounai ikarihuru iamahai.”

2 Timotius 1:13

Asaka na aunauso tau maunau titue rai waron ano atinu rerihoni au. Aunauso aparisaa tau Kristus Yesus. Anomu runa Anahatana runa tumatau pusiso. Aparisaa tau Kristus Yesus iakahaia. Anomu runaso tau Kristus Yesus iakahaia.

1 Yohanis 4:10

Anori runa mansia ia-ia mo, noo sani nanie uasau reini. Anahatana anoi runa ita mainae nai osa. Ne ita anori runa Anahatana mainae san rei tewa. Anahatana anoi runata mainae nai osa reiso rotu-tu irati Anai na imatai na ihana re rosau.

2 Yohanis 1:1

Osi ia pina onate wain Anahatana iromai na iuna ne mansia na ia pina onate ne hehuka wan anoku runamo ia-ia. Surate reini mo, arihoni au wani au mainae tau sio wason oparisaa tau Kristus. Ne au ruaku man tewa sahoro anoku runamo, ne sio pusiso wason oparisaa tau Anahatana ne maunauna waron titue anoo runamo oi.