2 Yohanis 1:2 - Anahatana ne Anamanaya tau Sou Naunue

² Anoku runamo tau pusita iparisaa tau Anahatana ne maunauna waron titue. Ne maunauna rai rarue pan anori nea. Mka ikatare rotu-tu ria supan.

2 Yohanis 1:2 ပူးပေါင်းရင်းမြစ်များ

Yohanis 14:16

Oyo mka uainisi na Amaku iauwatu Ia isa na iakahaimo ikati Au. Mka iruei ikatamo rotu-tu ria supan.

Yohanis 15:7

Ne sani oamahaimo anomo osa runa Au sui osa na orime kuru we maunauna sui osa mo, oainisi sae man wan oninai arihon Amaku, mka irui sae wan oainisiki rei osimo.

2 Timotius 1:5

Anoku erepeka runa sapani na ano aparisaa ia-ia tau Kristus Yesus. Ano aparisaa sani mataanoe momom Lois runa inam Eunike oparisaa. Au uanei ata ano oi aparisaa.

1 Yohanis 1:8

Munata ita iasau ata, “Au mo, upalalosa tewa,” iasau san rei mo, iakarota ruari. Sae wan manisate rerue pan anori tewa.

1 Yohanis 2:14

Om ikina. Oationa Amari Anahatana nea. Reiso ukanu surate reini osimo. Wea inau wea amau wan oparisaa ia-ia nea. Oationa Kristus wain nea on tuniai reini remrae tewasi. Reiso ukanu surate reini osimo. Om ikina honua. Oapamese anomo nea reiso oparisaa ia-ia. Anahatana ne anamanaya waromo anomo nea. Opusu ia aia sakahatene tewa, ia wain iuna kahatene rei. Reiso ukanu surate reini osimo.

1 Yohanis 2:17

Sio kahatena mai tuniai reini runa sae man waron oninare mo, mka tuture rotu-tu ria supan tewa. Ne sio wason opusu Anahatana ne maue mo, mka oamahaiso rotu-tu ria supan.