2 Yohanis 1:1 - Anahatana ne Anamanaya tau Sou Naunue

¹ Osi ia pina onate wain Anahatana iromai na iuna ne mansia na ia pina onate ne hehuka wan anoku runamo ia-ia. Surate reini mo, arihoni au wani au mainae tau sio wason oparisaa tau Kristus. Ne au ruaku man tewa sahoro anoku runamo, ne sio pusiso wason oparisaa tau Anahatana ne maunauna waron titue anoo runamo oi.

2 Yohanis 1:1 ပူးပေါင်းရင်းမြစ်များ

Lukas 1:3

Au iae uasei runa pusire ia-ia on mataanoe nea. Reiso Teopilus wain ami amuiraya, uahana iake sani au iae, ukanu ia-ia na usima runa pusire osia oi.

Yohanis 8:32

Omi mka oanei Anahatana ne maunauna waron manisata. Maunauna rai sahoro mka raunamo osihamo arihoni mo rosau na pene ouna sani maniane tanre nea.”

Atata 11:30

Ouna san rei oyo, oaisosi Barnabas runa Saulus orori kepen rai osi sio onata tau sio wason oparisaa pan rei.

1 Timotius 2:4

Tau sae, Anahatana inina iapuheu sio pusiso na oamahaiso rotu-tu ria supan. Ia nanie na sio pusiso oanei sae waron titue.

1 Yohanis 2:21

Ukanu surate reini osimo na uasau ata oanei maunaune wan titue rei mo, tewa. Ne wan ukanu surate reini osimo, areimo tau omi oanei sae wan titue nea. Oanei ata maunau makarotane rehokai arihon Anahatana tewa. Hasae sae wan titue sahoro rehokai arihon Anahatana.

1 Yohanis 3:18

We hehuka! Anori runa mansia mo, pene mai hohari man. Pene iausipu sou man. Ne anori runa mansia mo, kahurae iakahai umau ia-ia.

2 Yohanis 1:13

Wanim wain Anahatana iromai mai rei ne hehuka oauwatu tapeae osia.

2 Yohanis 1:5

Reiso ano pina onate. Wan ukanu maunau honue osimo tewa. Ne wan ukanu maunaune wan ianeiki on mato ipusu Kristus. Maunaune reimo, kahurae anori runa umau tea.

3 Yohanis 1:1

Osi Gayus, we neta wain anoku runaya mainae. Surate reini mo, arihoni au wan au mainae tau sio wason oparisaa tau Kristus.