2 Timotius 4:14 - Anahatana ne Anamanaya tau Sou Naunue

¹⁴ Aleksander, ia tukane tampaka, iuna kahatene mainae osiku nea. Mka Upuri iapasanai pusu sae wani iuna osiku.

2 Timotius 4:14 ပူးပေါင်းရင်းမြစ်များ

2 Tesalonika 1:6

Anahatana iuna manisate. Areimo mka iuna sinsara sio wason ouna sinsaramo.

1 Timotius 1:20

Himeneus runa Aleksander wason sio ua san rei. Reiso sio ruao. Utapiso na ia aia sakahatene, ne kawasa tanso nea na oanei ata kahurae oarihoni orati sohi Anahatana.

2 Timotius 4:15

Reiso asaka-saka ia-ia na pene iuna kahatene osi ano oi. Tau sae, inesi ita re maunauna.

1 Yohanis 5:16

Nanie uasau rerihoni ia isa wain ianei ata nea kaka wanin isa wain iparisaa tau Kristus ipalalosa, ne rosa rei mtinte tewa. Mtinte tewa, areimo mka reuna ia rei ihainau arihon Anahatana rotu-tu ria supan tewa. Kahurae ia wain ianei nea ata ipalalosa rei iainisi tau Anahatana na iapuhaiki. Iainisi osiki oyo mka Anahatana iunai iamahaiki ikatai rotu-tu ria supan. Wan uanamana rerihoni ia wain ipalalosa mainae tewa. Reiso ne rosa rei mo, mka reunai hainau arihoni Anahatana rotu-tu ria supan tewa. Ne sani ne rosa mainae rei reunai hainau arihoni Anahatana rotu-tu ria supan mo, pene iainisi tau Anahatana na iapuheui.