2 Timotius 4:11 - Anahatana ne Anamanaya tau Sou Naunue

¹¹ Hasae Lukas sahoro ikataku asi. Aeu mai akata Markus. Tau sae, ianei iakahaiku uanori runa Anahatana.

2 Timotius 4:11 ပူးပေါင်းရင်းမြစ်များ

Lukas 13:30

Masi oatinu. Sio wason sio mainaya tewa, Anahatana mka iunaso sio mainaya. Ne sio wasoni sio mainaya, Anahatana mka iunaso sio ikina.”

Atata 12:12

Petrus ianei nea, oyo ieui ria Maria ne numa. Maria rei sahoro Yohanis inai. Yohanis, sio oaoiki tau Markus oi. Ria ne numa rei, sio panesi oamanouso nea. Sio wason oainisi.

Atata 12:25

Barnabas runa Saulus orori kepen pan otoe Yudea osi sio wason oparisaa, oyo onuniso on roe kota Yerusalem. Onuni okata Yohanis Markus.

Atata 15:37

Barnabas inina na Yohanis Markus ikataso,

Atata 15:39

Uaso otuntana mainae, reiso sio oeu osakakau. Barnabas isaa kapane, nanie ieui nau nusa Siprus ikata Markus.

Atata 16:10

Paulus inoo masasua rei, oyo isima osi au, Lukas, runa ne netau tamena. Mata hun tewa oyo, ami autotu apia, nanie aeuma nau Makedonia. Tau sae, ami apamata sou ata Anahatana iaisosima asima runa Sou Iake rerihoni Yesus osi sio nau rei.

2 Timotius 1:15

Ano anei nea ata sio wason oparisaa pusiso sui otoe Asia openeso tanuku. Pigelus runa Hermogenes iae openeso tanuku.

2 Timotius 2:21

Reiso ia wain iarihoni pusire waron kahatena, ia sahoro mka ianori runa Upuri iake. Inapa nanie Upuri iuna tanei sae man wani Upuri mka iaisosiki unai. Tanei sae man wani iake. Ia mo, ia manisate onate. Reiso ia sani piru iake. Sio oautue pirune ruae osi numa upue na erenapa numa upue rei inanai tau tanei iake.

Pilemon 1:24

Markus, Aristarkus, Demas, runa Lukas oauwatu tapeae osia oi. Sio reimo oakahaiku osima runa Yesus.