2 Timotius 3:11 - Anahatana ne Anamanaya tau Sou Naunue

¹¹ Uapamese pannuhu sio ouna au sinsaraku. Ano anei ata sio ouna sinsaraku sui niane Antiokhia, niane Ikonium, runa niane Listra. Ne masike sinsaraku iae, uapamese, oyo Upuri iakahaiku na uamahaiku sirinia.

2 Timotius 3:11 ပူးပေါင်းရင်းမြစ်များ

Atata 13:14

Oyo on poe Perga oeuso honu rotu-tu ohokaso ria kota Antiokhia ria otoe Pisidia. Hoka ria oyo, tau ranie hatae wani sio Yahudiu oamuira Anahatana, oeu oru-rueso pan numa mananoune osi sio Yahudiu.

Atata 13:45

Sio Yahudiu onoo sio panesi rei runa sio wason Yahudiu tewa panesi, oyo oanana. Reiso oasau oahata, “Paulus mo, ia makarotane.” Omakaniai oi.

Atata 14:8

Paulus runa Barnabas ohokaso nau nia Listra, oyo osupu ia isa wain ieu ise-ise. Ia reimo iamrae san rei. On iamrae ieui tau ain tewasi. Ain atua manna.

Atata 20:19

Masike sio Yahudiu ouna sinsaraku tau no kaheu kahatena rai, au unana tanei uanori runa Upuri. Uanori runai uhati ruaku tewa. Anoku runamo rotu-tu mataku waena.

Atata 23:10

Sio otuntana mainae nai osa rotu-tu ia mainae tau Ia Aia Mainae Roma ne soratatua ikaitau mka sio oakinene Paulus. Reiso iaisosi ne soratatua oeuso poe, onanai rerihoni sio panesi rei, oyo ororiki roe no numa hatu honu.

Atata 26:17

Mka ualapasia rerihoni sio Israel runa sio niana wason sio Yahudiu tewa. Au uaisosia aunau noi sio wason sio Yahudiu tewa

Atata 26:22

Ne rotu-tu reini Anahatana iakahaiku. Reiso wani uooku mai rei na usima rerihoni Yesus osi sio pusiso, sio mainaya runa sio wason sio mainaya tewa. Sae waron uasau rei runa sae waron sio mamsima runa Anahatana ne anamanaya runa Musa oaunutu anoo tanure, pusire osa.

Atata 9:16

Au mo, mka uatuhetei sapani na kahurae sinsarai tau iparisaa tau au.”

2 Timotius 4:7

Rerihoni Sou Iake, uaunauso tau we mkonae pusiki sani ia wain iapataruna irumai tau ne mkonae pusiki. Au una pusi we taneiu nea sani ia wain iaparatuna irumai rotu-tu iniku yaute. Uparisaa tau Kristus Yesus ia-ia rotu-tu reini.