2 Timotius 1:9 - Anahatana ne Anamanaya tau Sou Naunue

⁹ Anahatana sahoro iapuheuta na iamahaita rotu-tu ria supan. Anahatana sahoro ianaha runata na ita manisata onata. Iuna san rei pusu ita re atata tewa. Ne iapuheuta runa ianaha runata pusu ia ruai iheu nanie irui iake mainae osita. Masuae on Anahatana ihaye tuniai reini tewasi, iheu nanie irui iake osita pusu Kristus Yesus.

2 Timotius 1:9 ပူးပေါင်းရင်းမြစ်များ

Lukas 10:21

Anahatana Ne Inaha iuna Yesus anoi mirike, reiso iasau osi Anahatana iahata, “Ama, uainaa runaya. Ano mo, Upu. Arime noiyaha runa mai tuniai reini. Ano auhun maunauna arihoni sio wason oata kani oanei panesi. Ano atuhetere osi sio wason oparisaa tau me maunauna nooso sani tumata ikina. Ama. Auna san rei pusu ruam me maue.”

Yohanis 17:24

Ama. Unina na sio wason aruiso osiku nea rei okataku roe naniaku na onoo Ano amuiraku. Ano amuiraku, areimo tau anom runaku oni tuniai reini remrae tewasi.

Yohanis 17:9

Ama, uainisi osi we mampusua rei. Uainisi osi sio mai tuniai reini mo, tewa. Ne uainisi osi sio wason aruiso osiku rein. Tea mo, sio rei mo, Ano me mansiau.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

Atata 15:18

Au mo, omi moa Upu, uasau san rei. Mka au una sani masuae au una sio oasau.’”

Atata 2:47

Sio oainaa runa Anahatana. Mansia pusiso oahata sio iaka. Ranie hatae isa ereeu mai poua tonu rei Upuri iapuheu sio umau na oamahaiso rotu-tu ria supan. Reiso ouna osa runa sio wason oparisaa nea.

Pilipi 3:14

Areimo sani ia wain iapataruna. Iruma inoo hae muie tewa. Iruma inina awane wani erenetei na isupu piala. Au iae unina na pan muie we hali sani Kristus na usupu piala oi. Hasae unina na we hali sani Kristus rotu-tu umataku. We hali sani Kristus reiso mka Anahatana ioiku na ukatai roe noiyaha. Kristus Yesus imatai ikatiku reiso ioiku.

1 Tesalonika 4:7

Anahatana ianaha runata na ikaparua tewa. Ianaha runata na iamahaita ita manisata onata.

1 Timotius 1:1

Osi anaku Timotius. Au, Paulus, ukanu surate rei. Au Yesus ne maisosie wani Kristus Yesus runa Anahatana oaisosiku. Anahatana iapuheuta na pene iapasanata. Kristus Yesus wain ita iparisaai.

2 Timotius 1:1

Osi anaku Timotius. Au, Paulus ukanu surate rei. Au maisosie wani Kristus Yesus iaisosiku pusu Anahatana ne maue. Iaisosiku na iuna sani naone iasau. Iasau ata mka sio oamahaiso rotu-tu ria supan pusu anoo osa runa Kristus Yesus.

Titus 1:2

Reiso mka oparisaa ata oamahaiso rotu-tu ria supan. Anahatana ianei iakarota tewa. Oni ihaye tuniai reini tewasi, itotoe ata mka ne mansiau oamahaiso rotu-tu ria supan.