2 Timotius 1:13 - Anahatana ne Anamanaya tau Sou Naunue

¹³ Asaka na aunauso tau maunau titue rai waron ano atinu rerihoni au. Aunauso aparisaa tau Kristus Yesus. Anomu runa Anahatana runa tumatau pusiso. Aparisaa tau Kristus Yesus iakahaia. Anomu runaso tau Kristus Yesus iakahaia.

2 Timotius 1:13 ပူးပေါင်းရင်းမြစ်များ

Titus 1:9

Ahiti ia wain irime kuru tau maunauna rerihoni Yesus Kristus waron ita bisa iparisaare sani ami atuhetea tanure nea. Irime kurure na ianei iaunau sio wason oparisaa runa sae waron manisata. Irime kurure na ianei iapamanu sio wason onesire.

2 Timotius 3:14

Ne masike sio kahatena san rei iae, kahurae ano ruam arime maunauna waron sio oatuhetea tanure sirinia. Maunauna waron ano aparisaa tanure. Arimere tau ano anei ata sio wason oatuhetea tanure, oatuhete pannuhu.

Pilipi 4:9

Osaka ruamo na oroma maunauna waron uaunaumo tanure reini oyo oparisaa tanre. Saka oroma we hali wani onooi nea reini. Oromare oyo Anahatana, wain iuna anori ramanu, mka ikata runamo.

2 Timotius 2:2

Ano runa sio panesi honu oatinu Sou Iake rerihoni au nea. Sou Iake rei, atuhetei osi sio wason ano aparisaaso runa oanei oatuhetei osi sio umau honu.

1 Timotius 1:14

Upuri irui iake mainae osiku na uparisaa tau Kristus Yesus nea. Irui iake mainae osiku na anoku runai.

2 Timotius 1:14

Asaka Sou Iake rei wani Anahatana iruiki osia na aunauso tanui. Asakai na pene ia isa ineniki. Asakai tau Anahatana Ne Inaha wain iruei pan anori iakahaia.

Titus 2:1

Ne ano mo, aunauso rerihoni sae waron rapusu maunau titue.

1 Timotius 6:3

Ne munata ia isa iatuhete tamene, munata iparisaa tau maunau titue waron rerihoni Upuri Yesus Kristus tewa, munata ipenei iparisaa tau maunauna rerihoni iamahaita iuna sae waron Anahatana ne suka man,

Pilipi 1:27

Masike sapan iae opusu sae waron oatinu tau Sou Iake rerihoni Kristus. Opusure na uanei ata osopo sio wason onesi Sou Iake rerihoni Yesus rei. Osoposo anomo osa. Masike uhokaku unoomo iae, uanei ata osoposo anomo osa. Masike uhokaku tewa iae, mka uatinu ata osoposo anomo osa. Osoposo na oparisaa tau Sou Iake rei sirinia.

1 Timotius 1:10

Iruire osi sio maneaya pina hanaie. Iruire osi sio hanaia osoulaha runa sio hanaia, sio pinau osoulaha runa sio pinau. Iruire osi sio wason okimanaka mansia. Iruire osi sio makarotana runa sio wason oasau ata mka ouna sae isa, oyo ounai tewa. Iruire osi sio wason ouna sae man maunau titueu waron ranetere.

Titus 2:8

Aunauso, me anamanaya titue. Aunauso san rei na mka sio wason onesia oaumaa. Tau sae, osupu sae isa tewa mka omakaniaya tanui.

1 Tesalonika 5:21

Ne oarinii maunauna na ouna iake sirinia.

2 Timotius 1:1

Osi anaku Timotius. Au, Paulus ukanu surate rei. Au maisosie wani Kristus Yesus iaisosiku pusu Anahatana ne maue. Iaisosiku na iuna sani naone iasau. Iasau ata mka sio oamahaiso rotu-tu ria supan pusu anoo osa runa Kristus Yesus.

2 Timotius 4:3

Tau sae, mka tau muie sio openeso oatinu tau sio wason oatuheteso pannuhu. Ne mka oamanou sio matuhetena panesi osi sio ruao. Sio matuhetena wason onana sio anoo na oaunauso pusu sio ruao no suka oatinu. Oamanou sio matuhetena rei tau sio nanie opusu ruao no maue kahatene.