1 Yohanis 5:16 - Anahatana ne Anamanaya tau Sou Naunue

¹⁶ Nanie uasau rerihoni ia isa wain ianei ata nea kaka wanin isa wain iparisaa tau Kristus ipalalosa, ne rosa rei mtinte tewa. Mtinte tewa, areimo mka reuna ia rei ihainau arihon Anahatana rotu-tu ria supan tewa. Kahurae ia wain ianei nea ata ipalalosa rei iainisi tau Anahatana na iapuhaiki. Iainisi osiki oyo mka Anahatana iunai iamahaiki ikatai rotu-tu ria supan. Wan uanamana rerihoni ia wain ipalalosa mainae tewa. Reiso ne rosa rei mo, mka reunai hainau arihoni Anahatana rotu-tu ria supan tewa. Ne sani ne rosa mainae rei reunai hainau arihoni Anahatana rotu-tu ria supan mo, pene iainisi tau Anahatana na iapuheui.

1 Yohanis 5:16 ပူးပေါင်းရင်းမြစ်များ

Lukas 12:10

Sani ia seia man iasau sae isa wani kahatene rerihoni Au, Tumata Reini mo, Anahatana ihitiku mo, mka Anahatana isiru heu ne rosa rei. Ne sani munata ia seia irati sohi Anahatana Ne Inaha, areimo Anahatana mka isiru heu ne rosa rei tewa.

Yohanis 17:9

Ama, uainisi osi we mampusua rei. Uainisi osi sio mai tuniai reini mo, tewa. Ne uainisi osi sio wason aruiso osiku rein. Tea mo, sio rei mo, Ano me mansiau.

2 Timotius 4:14

Aleksander, ia tukane tampaka, iuna kahatene mainae osiku nea. Mka Upuri iapasanai pusu sae wani iuna osiku.

1 Yohanis 5:17

Ia seia man wain iuna kahatena, areimo ipalalosa. Ne rosau umau iae rauna ia wain ipalalosa rei iruei hainau arihoni Anahatana rotu-tu ria supan tewa.