1 Yohanis 4:17 - Anahatana ne Anamanaya tau Sou Naunue

¹⁷ Kahurae anori na umau ia-ia pusu Ia ruai ne maue. Sani iuna san rei, mka ikaitau tewa tau onone wan Anahatana iarinii mansia pusiki. Iarinii ia seia wain manisate na ia sia wain manisate tewa. Ikaitau tewa. Tea mo, iamahaita mai tuniai reini mo, iamahaita sani Yesus iamahaiki.

1 Yohanis 4:17 ပူးပေါင်းရင်းမြစ်များ

Yohanis 15:20

Anomo rapeka na sae wan uasaui nnai osimo nea rei. Uasau ata, ‘Ia maniane mo, ia mainae inesi upui tewa.’ Reiso sani ouna sinsaraku nea, areimo omi iae mka sio ouna sinsaramo oi. Sani sio oatinu sae wan uatuheteso tanre, sio iae mka oatinu sae wan omi oatuheteso tanre rei oi.

Yohanis 17:22

Uamuira we mampusua nooi sani Ano amuira Au. Au una san rei na pusiso anoo osa, nooi san ita ua iae anori osa oi.

Yakobis 2:13

Sani ia isa anoi runa mansia tewa oi, mka Anahatana anoi runai tewa oi tau iarinii ia sia wain titue na ia sia wain titue tewa. Ne sani anomo runa mansia mo, mka Anahatana anoi runamo oi tau iariniita.

Yakobis 2:22

Kahurae anei ata iparisaa man tewa. Ne ipusu ne maunauna oi. Ipusure reiso iparisaa pusi anoi.

1 Yohanis 2:28

Reiso we hehuka. Kahurae anomo osa runa Kristus sui osa, na mka ihokai honu, pene ikaitau isupui. Pene iaumaa.

1 Yohanis 2:5

Ia seia man sahoro ipusu ne maunauna, areimo anoi runa Anahatana tau anoi pusiki. Munata ia isa iasau iahata, “Au mo, anoku osa runa Anahatana,” ia reimo, kahurae ne hali sani Yesus rei. Re hali sani Yesus mo, ianei ata ita mo, anori osa runa Anahatana.

1 Yohanis 3:1

Mai na arinii pan anomo sapani na Amari Anahatana anoi runata mainae. Tea mo, rotu-tu Anahatana ioita tau ne hehuka. Areimo titue. Ita mo, Amari tau Anahatana. Ne sio mai tuniai reini oationa Anahatana tewa. Reiso sio iae oanei tewa ata ita mo, Amari tau Anahatana.

1 Yohanis 3:3

Reiso, ia seia wain iparisaa ata mka ne hali sani Kristus, areimo kahurae isaka ruai na pene ipalalosa, noo sani Kristus wain ipalalosa tewa.

1 Yohanis 3:7

We hehuka, saka ruamo na pene ia seia man ihoka iakarotamo iasau ata, “Ita ipalalosa mo, iake.” Ia sia wain iuna sae wani manisate, areimo ia rei iamansa noo sani Kristus iamansa oi.

1 Yohanis 4:12

Ia seia man inoo Anahatana tau matai tewasi. Ne sani anori runa umau, areimo Anahatana iruei pan anori nea. Anori na umau pusu Ia ruai ne maue.