1 Yohanis 3:3 - Anahatana ne Anamanaya tau Sou Naunue

³ Reiso, ia seia wain iparisaa ata mka ne hali sani Kristus, areimo kahurae isaka ruai na pene ipalalosa, noo sani Kristus wain ipalalosa tewa.

1 Yohanis 3:3 ပူးပေါင်းရင်းမြစ်များ

Lukas 6:36

Anomo runa ia seia man, nooi sani Amari roe noiyaha wain anoi runa ia seia man oi.”

Yohanis 17:19

Noso sio, urui ruaku na uanori runaya ia-ia nea na sio iae orui ruao oanori runaya ia-ia oi.”

Atata 15:9

Pusita osa. Anahatana inoo sio ruao, ita ruari tewa. Iuna heu sio no rosau pusu sio oparisaa tau Yesus sani ita oi.

2 Tesalonika 2:16

Ami ainisi tau Upuri Yesus Kristus ruai runa Amari Anahatana ahata, “Ama. Mania Upu Yesus. Akahai sio Tesalonika na pene okaitau. Aunaso ouna sae man wani iake sirinia. Aunaso oasau sae man wani iake. Ano wani anom runama. Akahaima na pene akaitau rotu-tu ria supan. Aunama aparisaa runa sae wani iake wani atotoe aruiki osima. Aruiki pusu arui iake mainae osima.”

Titus 3:7

Anahatana irui Ne Inaha osita na isupu pusire waron Amari mka iruire osi ne hehuka. Reiso iparisaa ata mka iamahaita rotu-tu ria supan. Iamahaita rotu-tu ria supan tau Anahatana ialapasita rerihoni re rosau tau irui iake mainae osita.

Yakobis 4:8

Ohaineke Anahatana, Ia iae mka ihainekemo. Ee, omi palalosaya! Pesi mo atata waron kahatena mai mui, sani osohu hanamo na nene kitataia raheuso. Ee! Omi wani anomo rasamaso tau ua tonu! Saka anomo na opesi mo kahatena waron pan anomo rei.

1 Yohanis 4:17

Kahurae anori na umau ia-ia pusu Ia ruai ne maue. Sani iuna san rei, mka ikaitau tewa tau onone wan Anahatana iarinii mansia pusiki. Iarinii ia seia wain manisate na ia sia wain manisate tewa. Ikaitau tewa. Tea mo, iamahaita mai tuniai reini mo, iamahaita sani Yesus iamahaiki.