1 Yohanis 3:19 - Anahatana ne Anamanaya tau Sou Naunue

¹⁹ Sani anori na umau, ianei nea ata ita mo, ipusu maunauna waron titue. Reiso mka iainisi arihon Anahatana, anori kuruta.

1 Yohanis 3:19 ပူးပေါင်းရင်းမြစ်များ

Yohanis 13:35

Sani anomo na umau san rei, mka mansiau pusiso onoo ata omi mo, Au we mampusua.”

Yohanis 18:37

Oyo Pilatus iasei ata, “Munata san rei, Ano rein mo, Ano Aia, tea!” Oyo Yesus iahata, “Ano asau ata Au mo, Au Aia. Areimo titue. Uamrae mai tuniai na una Aia. Uhokaku mai tuniai rein na usima rerihoni sae wan manisate. Ia sia wain inina sae wan manisate mo, mka iatinu tau Au.”

2 Timotius 1:12

Reiso masike sinsaraku tau Sou Iake rei iae, uaumaa tewa. Tau sae, uationa Kristus Yesus wain uparisaai. Uanei ata Sou Iake rei wani iruiki osi au nea na uaunauso tanui, mka isakai. Isakai rotu-tu mka ihokai mai tuniai reini honu.

1 Yohanis 1:8

Munata ita iasau ata, “Au mo, upalalosa tewa,” iasau san rei mo, iakarota ruari. Sae wan manisate rerue pan anori tewa.

1 Yohanis 2:21

Ukanu surate reini osimo na uasau ata oanei maunaune wan titue rei mo, tewa. Ne wan ukanu surate reini osimo, areimo tau omi oanei sae wan titue nea. Oanei ata maunau makarotane rehokai arihon Anahatana tewa. Hasae sae wan titue sahoro rehokai arihon Anahatana.

1 Yohanis 3:14

Ianei nea ata naone irue hainau arihon Anahatana, reiso noo sani imatata. Ne muie reini iamahaita ikata Anahatana. Tea mo, anori runa re kaka waniu wason oparisaa tau Kristus. Ia seia wain anoi runa mansia tewa, noo sani imatai.

1 Yohanis 3:20

Masike ianei ata ipalalosa iae, anori kurute sinia. Tea mo, Anahatana ianei renesi sae man waron ita anori. Ianei sae man wan ita iunai.

1 Yohanis 3:21

We netau wan anoku runamo. Sani iahana ata anori rasana tewa, mka iainisi arihon Anahatana anori kuruta.