1 Yohanis 3:12 - Anahatana ne Anamanaya tau Sou Naunue

¹² Pene noo sani ia wain nanai Kain wain amai tau ia aia sakahatene. Kain ipenei tau wanin ruai reiso ihunui. Ihunui noso sae man waron Kain iunare rai mo, rasana. Ne sae waron wanin iunare mo, manisata.

1 Yohanis 3:12 ပူးပေါင်းရင်းမြစ်များ

Lukas 11:51

Oni mataanoe tau Kain ihunu wanin Habel. Ereeu rotu-tu mai tau muie ohunu ia imam wain nanai Sakaria. Ohunui pan hatu waron otanuhahare noore sani anau na Anahatana ne numa mainisie kua tihue.

Yohanis 10:32

Ne Yesus iahata, “Omi onoo sima-simana panesi nea waron Amaku iaisosiku na unare. Reiso arihon sima-simana rai mo, sima-simane sae sahoro reunamo na nanie orauku tau hatu na ohunuku?”

Yohanis 8:40

Au reini sahoro usima na sae waron manisata waron uatinure arihon Anahatana osimo. Ne omi onina arena sui osa nanie ohunuku. Aikee Abraham mo, iuna san rei tewa.

Yohanis 8:41

Reiso titue, omi mo, ouna sae waron mo ama tamene iunare.” Oahata, “Ami mo, ami ana hua tewa. Ami mo, mani Ama osa man. Ia mo, Anahatana ruai.”

Atata 7:52

Moa upu ouna sinsara sio mamsima runa Anahatana ne anamanaya pusiso. Ohunu sio wason osima ata mka pan muie ia wain anoi manisate nai osa ihokai. Muie reini mo omi mato oruiki osi sio ohunui.

1 Tesalonika 2:14

Mania kaka wani. Sio sui omi mo otoe ounamo sinsaramo. Reiso omi sani sio wason oparisaa tau Anahatana pan otoe Yudea. Sio anoo osa runa Kristus Yesus. Sio no otoe, sio Yahudiu, ouna sio Yudeau wason oparisaa sinsaraso oi.

1 Yohanis 3:8

Ne ia seia wain ipalalosa, areimo iuna ia aia sakahatene anai. Tea mo, on Anahatana ihaye tau tuniai reini, ia aia sakahatene saka ipalalosa. Reiso Anahatana Anai ihokai mai tuniai reini na iuna puta sae waron ia aia sakahatene iunare rei.