1 Yohanis 2:7 - Anahatana ne Anamanaya tau Sou Naunue

⁷ We netau wani anoku runamo. Wan ukanu reini mo, ukanu maunau honue isa osimo tewa. Ne wan ukanu maunau monae wani okatai on mataanoe oparisaa tau Kristus rei. Areimo maunaune wan oatinui on mato oparisaa tau Kristus.

1 Yohanis 2:7 ပူးပေါင်းရင်းမြစ်များ

Yohanis 13:34

Reiso nanie uasau runa maunau honue osimo. Anomo na umau. Omi mo, kahurae anomo na umau noo sani Au anoku na omi.

Atata 17:19

Reiso sio ororiki roe mananoue runa sio onata roe pupue wani nanae Areopagus. Hoka roe oyo, oasau osiki, “Ami nanie atinu rerihoni ano me maunau honue rei wani ano atuhete.

1 Yohanis 2:24

Reiso omi mo, kahurae okata kuru maunaune wan oatinui oni mato oparisaa tau Kristus. Sani okata kurure mo, mka anomo osa na Amari runa Anai.

1 Yohanis 3:11

Maunaune wan oatinui on mato oparisaa tau Kristus, areimo kahurae anori runa umau.

1 Yohanis 3:2

We netau wan anoku runamo. Muie reini, ita mo, re Ama tau Anahatana nea. Ne ianei tewa pani muie mka ita sapan. Ianei ata mka Kristus ihokai honu. Sani ihokai honu, mka re haliu sani Ia oi. Tea mo, mka inooi ia-ia.

1 Yohanis 3:21

We netau wan anoku runamo. Sani iahana ata anori rasana tewa, mka iainisi arihon Anahatana anori kuruta.

1 Yohanis 3:23

Ne maunauna mo, anori runa umau na kahurae iparisaa ata Yesus Kristus mo, Anahatana Anai. Kristus iaisosita iuna san rei nea.

1 Yohanis 4:1

We netau wan anoku runamo. Pene oparisaa tau sio pusiso wason oasau ata iaunaumo tau Anahatana Ne Inaha ne kawasa. Ne reaso naone na oanei ata kani osupu kawasa arihon Anahatana Ne Inaha te tewa. Tea mo, sio panesi wason oakarota ata sio mo, sio mamsima runa Anahatana ne maunauna wason oaunau sui tuniai reini pusiki nea.

1 Yohanis 4:11

Wea kakau waniu hutu nohue wan anoku runamo. Anahatana anoi runata mainae san rei nea. Reiso ita iae kahurae anori runa umau oi.

1 Yohanis 4:21

Anahatana ruai sahoro iaisosita san rei, “Ia seia man wain anoi runa Anahatana mo, kahurae anoi runa nea kakau waniu oi.”

1 Yohanis 4:7

Wea kakau waniu wani anoku runamo. Kahurae pusita anori runa umau. Tea mo, Anahatana ruai sahoro iunata na anori runa rea kaka waniu wason oparisaa tau Yesus. Ia seia wain anoi runa nea kakau waniu mo, ia reimo, Amai tau Anahatana runa iationa Anahatana.