1 Yohanis 2:23 - Anahatana ne Anamanaya tau Sou Naunue

²³ Ia seia wain ipenei iparisaa tau Anai mo, mka anoi osa na Amari tewa. Ne ia seia wain iparisaa tau Anai mo, anoi osa na Amari oi.

1 Yohanis 2:23 ပူးပေါင်းရင်းမြစ်များ

Lukas 10:22

Yesus iainaa na Anahatana oyo iahata, “Amaku Anahatana iatuheteku na irui kawasa osiku na Au una taneiu waron iruire osiku. Hasae Amaku sahoro ianei Au mo, Au sia. Hasae Au na sio wason uatuheteso oanei Amaku Anahatana ne hali sapan.”

Yohanis 10:30

Au na Amaku mo, uama osa.”

Yohanis 16:3

Sio mka ouna san rei tau sio mo, oationa Au runa Amaku tewa.

Yohanis 17:3

Mansia oamahaiso okataya rotu-tu ria supan mo, oationaya. Oationa Ano wan Anahatana wain manisate osa ruai. Na oationa Au, Yesus Kristus, wain Ano aisosiku uhokaku mai tuniai rein.

Yohanis 5:23

Amaku irui kawasa osi Au na mansia pusiki oamuira Au. Ia sia iamuira Au tewa, areimo noo sani iamuira Amaku tewa. Amaku wain iaisosiku uhokaku mai tuniai reini oi.

Yohanis 8:19

Oyo sio onata rei oasei tau Yesus oahata, “Munata san rei mo, Amam wainpa?” Yesus iahata, “Oationa Au tewa reiso omi iae oationa Au amaku tewa oi. Sinana oationa Au, mka oationa Amaku oi.”

1 Yohanis 2:22

Ia wain iakarota mainae nai osa mo, ia wain iasau ata, “Yesus mo, Ia Aia wain Anahatana Ihitiki na Iapuheu Mansiau tewa.” Ia wain iasau san rei sahoro Kristus ne nisa. Tea mo, ipenei iparisaa tau Amari Anahatana runa Anai, Yesus.

1 Yohanis 4:15

Ia seia wain iamanaku ata Yesus mo, Anahatana Anai, Anahatana anoi osa runa ia rei. Ia rei iae, iamahaiki anoi osa runa Anahatana oi.

1 Yohanis 4:2

Nanie usima na sapani na mka orea sio wason oaunaumo rei. Ia seia wain iahata, “Yesus Kristus ihokai mai tuniai reini iuna mansia mo, Anahatana ne Inaha irui kawasa osiki.”

1 Yohanis 5:1

Ia seia wain iparisaa ata Yesus mo, Ia Aia wain Anahatana Ihitiki na Iapuheu Mansiau, ia reimo Amai tau Anahatana. Ia seia wain anoi runa Amari Anahatana, areimo mka anoi runa sio wason no Ama tau Anahatana.

1 Yohanis 5:20

Ianei oi ata Anahatana Anai ihokai mai tuniai reini nea. Ia sahoro ihuka arena na ita iationa Anahatana wain Ia manisate. Anori osa na Anahatana wain Ia manisate rei. Tea mo, anori osa na Anai, Yesus Kristus, wain Ia manisate rei. Ia mo, titue Ia Anahatana na Ia sahoro iapuheuta na iamahaita ikata Anahatana rotu-tu ria supan.