1 Yohanis 2:1 - Anahatana ne Anamanaya tau Sou Naunue

¹ We hehuka. Wan ukanu surate reini osimo na pene opalalosa. Ne munata ia isa ipalalosa mo, Ia isa wain sahoro mka ianamana osi Amari na inetei. Ia reimo, Yesus Kristus wain iamanisa. Inetei mo, iainisi na Amari isiru heu mo rosau.

1 Yohanis 2:1 ပူးပေါင်းရင်းမြစ်များ

Lukas 10:22

Yesus iainaa na Anahatana oyo iahata, “Amaku Anahatana iatuheteku na irui kawasa osiku na Au una taneiu waron iruire osiku. Hasae Amaku sahoro ianei Au mo, Au sia. Hasae Au na sio wason uatuheteso oanei Amaku Anahatana ne hali sapan.”

Yohanis 13:33

We hehuka, potuina tewa nea mka ukatamo tewa nea. Omi mka oninaku. Ne okataku roe rei iake tewa. Areimo, uasau runai osi sio onata arihon akama Yahudi naone nea. Oyo wan uasaui osi omi muie reini honu reini.

Yohanis 14:16

Oyo mka uainisi na Amaku iauwatu Ia isa na iakahaimo ikati Au. Mka iruei ikatamo rotu-tu ria supan.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 21:5

Yesus iakapona ioima ata, “We netau, osupu ikae te tewa?” Asau ata, “Tewa!”

Yohanis 5:14

Potuina tewa oyo, Yesus isupu ia hanaie rei roe Anahatana ne numa mainisie nene nusue. Iasau osiki. Iahata, “Amaku atinu mai na uasau osia ia-ia. Me kupue iake nea tea! Pene apalalosa nea! Pene tu-tu sae isa remunaya renesi me kupue wan mato-mato rei honu.”

Yohanis 5:36

Ne sae isa wan mainae renesi Yohanis resima runa Au. Sima-simana waron Au unare rei mo, pusire ratuhete ata Au reini mo, Amaku sahoro iaisosiku na unare rei. Ratuhete ata Amaku wain roe noiyaha iaisosiku mai tuniai reini.

Yohanis 6:27

Pene opakarian onina muaine wan mka rekopui. Ne, onina muaine wan mka rekahate tewa. Onina muaine wan reunamo oamahaimo okata Anahatana rotu-tu ria supan. Muaine rei mo, hasae Au, Tumata Reini mo, Anahatana Ihitiku sahoro mka uruiki osimo. Areimo tau Au mo, Amaku irui kawasa osiku nea.”

Yohanis 8:11

Oyo ia pina rei iahata, “Tewa nea, Upu.” Oyo Yesus iasau osiki honu. Iahata, “Au iae uapasanaya tewa oi. Nunia nea ne pene apalalosa nea.”]

Atata 7:52

Moa upu ouna sinsara sio mamsima runa Anahatana ne anamanaya pusiso. Ohunu sio wason osima ata mka pan muie ia wain anoi manisate nai osa ihokai. Muie reini mo omi mato oruiki osi sio ohunui.

1 Timotius 2:5

Tau sae, hasae Anahatana sahoro ia Anahatana titue. Waini ia osa iuna mansiau tau Anahatana ne netau. Ia reimo ia Kristus Yesus. Ia ruai, ia tumata oi.

1 Timotius 3:14

Masike au we maue ueuku pan tanua on sini, au wani ukanu maunauna rai osia sirinia. Ukanure na

Yakobis 1:27

Pusu Amari Anahatana, sani iakahai sio iki sioiu runa sio pina uhanu wason no susau, areimo ipusu ne maunauna ia-ia. Munata isaka ruari ia-ia na ihainau ruari arihoni kahatena waron mai tuniai reini, areimo ipusu ne maunauna ia-ia.

Yakobis 3:9

Tau hohari iae, iainaa runa rea Upu Ama Anahatana. Ne iainisi na Anahatana irui kahatene osi tumatau tau hohari osa rei sirinia. Tumatau wason Anahatana ihaye tanso onita Anahatana ruai ne hali.

1 Yohanis 3:18

We hehuka! Anori runa mansia mo, pene mai hohari man. Pene iausipu sou man. Ne anori runa mansia mo, kahurae iakahai umau ia-ia.

1 Yohanis 3:5

Omi anei nea ata, Yesus Kristus ihokai mai tuniai reini mo, nanie isiru heu re rosau. Oanei ata Ia mo, ipalalosa tewa.

1 Yohanis 3:7

We hehuka, saka ruamo na pene ia seia man ihoka iakarotamo iasau ata, “Ita ipalalosa mo, iake.” Ia sia wain iuna sae wani manisate, areimo ia rei iamansa noo sani Kristus iamansa oi.

1 Yohanis 4:4

We hehuka, omi mo Ama tau Anahatana. Openemo oatarima sio no maunau makarotana nea. Tea mo, omi osupu kawasa arihon Anahatana ne Inaha wain mai anomo. Anahatana ne Inaha ne kawasa mainae renesi ia aia sakahatene wain irui kawasa osi sio mai tuniai reini wason oationa Anahatana tewa.

1 Yohanis 5:17

Ia seia man wain iuna kahatena, areimo ipalalosa. Ne rosau umau iae rauna ia wain ipalalosa rei iruei hainau arihoni Anahatana rotu-tu ria supan tewa.

1 Yohanis 5:21

Reiso, we hehuka, osaka ruamo ia-ia na pene oainaa na anahatanau waron titue tewa.

3 Yohanis 1:4

Sani uatinu ata we hehuka wason opusu Anahatana ne maunauna waron titue, anoku miri-mirike nai osa.