1 Yohanis 1:7 - Anahatana ne Anamanaya tau Sou Naunue

⁷ Ne munata irueta noi manahane sani Anahatana wain mai manahane, anori osa na sio tamena wason oparisaa. Anahatana Anai, Yesus, ne nasi reroti rotu-tu imatai, reiso Anahatana isiru heu re rosau pusire uture.

1 Yohanis 1:7 ပူးပေါင်းရင်းမြစ်များ

Yohanis 1:29

Nene han san rei, Yohanis inoo Yesus ihokai mai tanui. Iahata, “Masi onoo! Ia mo, Anahatana iromai na irui ruai osi sio ohunui noo sani rompa anae wan ita Israel ihunui na iusi re rosau. Tea mo, mka iusi mansiau no rosau.

Yohanis 12:35

Oyo Yesus iahata, “Au sani Manahane. Mka ukatamo potuina tewa nea. Manahane rei wain ikatamo. Reiso, oni Manahane reini wain asi, oamahaimo pan Manahane rei. Pene tu-tu pumono renetemo. Areimo, tau ia seia wain ieu tau pumono mo, ianei mosa arena tewa.

Yohanis 5:4

Areimo, tau taua-taua mo, Anahatana ne maisosie on roe noiyaha ikaisunu na iuna waene rei nisue. Ia seia man wain isipui naone tau waene rei nisue areimo, ia rei ne kupue iake rei sirinia. Kupue sae man mka iake.

1 Timotius 6:16

Ia ruai sahoro imatai tewa. Ia iruei roe rinane wani ita-itane eresita wani ia isa bisa ieu hainekei tewa. Ia isa iae inooi tewa. Ia isa bisa inooi tewa. Au unina na sio oamuirai rotu-tu ria supan. Au unina na ia ne kawasa rotu-tu ria supan. Titue.

Titus 2:14

Irui ruai na imatai inete ita. Imatai na iusi re rosau. Imatai na irui kawasa osita na ipalalosa tewa nea. Irui ruai na imatai na ita iuna ne mansiau. Ne mansiau wani iamauna iuna iake.

Yakobis 1:17

Sae man wani iake rehokai arihoni Amari Anahatana. Anahatana wain ihaye tau ranie, hunane, oneu. Ne Ia ruai mo, ikati ne hali tewa. Ranie runa hunane rasaa rakaisunu rotu-tu tuniai repumonoi. Ne Anahatana mo, tewa. Isaa ikaisunu rotu-tu tuniai repumonoi tewa. Ia sahoro irati sae man wani iake.

1 Yohanis 1:3

Ami asima na Ia wain anooi runa atinui osi omi oi, na omi iae, anomo osa runama. Ami reini, anoma osa runa Amari Anahatana na Anai Yesus Kristus oi.

1 Yohanis 1:5

Ami nanie asima osimo. Asima na maunaune wan Yesus Kristus iaunauma tanui rei. Areimo, Anahatana mo, ia manahane. Anoi manisate. Ia mo, ipalalosa tewa nai osa. Iruei noi pumono tewa.

1 Yohanis 5:6

Yesus Kristus sahoro Ia wain ihokai on roe noiyaha mai tuniai reini. Yohanis isohu Yesus tau tihu, oyo tau imatai, ne nasi reroti. Ia mo, ihokai tewa na Yohanis isohui man. Ne Ia iae, ihokai na ne nasi reroti rotu-tu imatai. Anahatana ne Inaha iatuheteta ata areini mo, titue. Tea mo, ne Inaha iatuhete sae wan titue sui osa.

1 Yohanis 5:8

Tonre nene sou osa. Osa, ianei tau Anahatana Ne Inaha isima runa sae wan titue rerihoni Yesus. Ua, ianei arihon sae wan Anahatana iasau nnai tau Yohanis isohu Yesus tau tihu. Tonu, ianei tau Yesus ne nasi reroti na imatai.

2 Yohanis 1:4

Anoku miri-mirike nai osa. Tea mo, uatinu ata me hehuka umau mo, opusu Anahatana ne maunauna waron titue. Ouna sani Amari iaisosita rei.

3 Yohanis 1:4

Sani uatinu ata we hehuka wason opusu Anahatana ne maunauna waron titue, anoku miri-mirike nai osa.