1 Yohanis 1:6 - Anahatana ne Anamanaya tau Sou Naunue

⁶ Munata ita iasau ata, “Au mo, anoku osa runa Ia,” ne irueta noi pumono asi oyo iasau ata anoi osa runai, areimo iakarota. Iamahaita tewa pusu sae wan manisate.

1 Yohanis 1:6 ပူးပေါင်းရင်းမြစ်များ

Yohanis 11:10

Ne ia seia ieu tau pumono mo, mka iamasiru tau manahane tewa, reiso inoo mosa arena tewa.”

Yohanis 12:35

Oyo Yesus iahata, “Au sani Manahane. Mka ukatamo potuina tewa nea. Manahane rei wain ikatamo. Reiso, oni Manahane reini wain asi, oamahaimo pan Manahane rei. Pene tu-tu pumono renetemo. Areimo, tau ia seia wain ieu tau pumono mo, ianei mosa arena tewa.

Yohanis 12:46

Au wan uhokaku mai tuniai rein na uatuhete Anahatana ne arena osimo. Au sani manahane wan retuhete arena na onoo mosa. Uhokaku na ia seia wain iparisaa tau Au, mka irue iapumonoi tewa nea.

Yohanis 8:12

Yesus ianamana osi sio panesi wason oamanouso roe Anahatana ne numa mainisie nusue rei honu. Iahata, “Au mo, noo sani manahane osi mansia pusiki mai tuniai reini anoo. Nooi sani manahane resita sae man wan noi pumono na inoo mosai. Ia sia man wain ipusu Au mo, mka ieu pusu pumono tewa. Ne ieu pusu manahane. Manahane rei retuhetei sapani na mka iamahaiki ikata Anahatana rotu-tu ria supan.”

Yohanis 8:55

Omi oationai tewa, ne Au uationai. Sani uasau ata uationai tewa, areimo uakarota sani omi oi. Ne Au mo, uationai na upusu ne maunauna.

1 Timotius 4:2

Sakahatena rai rauna sio makarotana oatuhete sio niana-niana tau no maunauna rai. Sio makarotana rei oasau ata oatuheteso tau manisate. Aikee oatuheteso tau manisate tewa. Sio rei oanei no isanaya tewa.

Yakobis 2:14

Wea kakau waniu, hutu nohue. Sani ia isa iasau iahata, “Au uparisaa tau Yesus Kristus” ne ipusu ne maunauna tewa. Iakahai ia isa tewa oi. Mka isupu ne sae? Mka Anahatana iapuheui na ikatai rotu-tu ria supan?

Yakobis 2:16

Ne hasae oasau osiki, “Eu ia-ia. Ne au mka uainisi osia na Anahatana irui iake osia na aia tiam pokone. Ausahu me papi kapitorone na pene amahata.” Ne omi ruamo orui apia runa muaina osiki tewa. Oakahaiki tewa.

Yakobis 2:18

Sani ia isa iasau ata, “Sio umau oparisaa, sio umau oakahai ia seia man.” Au mka uasau sani ano akahai ia isa tewa oi, ano bisa atuhete osiku tewa ata aparisaa tau Yesus Kristus. Ne au mo, mka uatuhete ata uparisaa tanui pusu uakahai ia seia man.

1 Yohanis 1:10

Munata ita iasau ata, “Au mo, we rosa isa tewa,” iasau san reimo noo sani iasau ata, “Anahatana mo, iakarota.” Areimo tau Anahatana iasau ata mansia pusiki mai tuniai reini mo, opalalosa. Ne anamanae rerue pan anori tewa.

1 Yohanis 1:3

Ami asima na Ia wain anooi runa atinui osi omi oi, na omi iae, anomo osa runama. Ami reini, anoma osa runa Amari Anahatana na Anai Yesus Kristus oi.

1 Yohanis 1:8

Munata ita iasau ata, “Au mo, upalalosa tewa,” iasau san rei mo, iakarota ruari. Sae wan manisate rerue pan anori tewa.

1 Yohanis 2:4

Ne sani ia isa iahata, “Au mo, uationa Anahatana nea,” ne ipusu ne maunauna tewa, areimo iakarota. Sae wani manisate mo, rerue pan anoi tewa.

1 Yohanis 4:20

Ia seia man wain iahata, “Anoku runa Anahatana,” ne ipenei tau kakai te wanin, areimo iakarota. Ianei ata iakarota tau anoi runa kakai wanin tewa. Aikee inoo kakai wanin rei. Reiso mka anoi runa Anahatana wain inooi tewa nai osa rei sapani?