1 Yohanis 1:3 - Anahatana ne Anamanaya tau Sou Naunue

³ Ami asima na Ia wain anooi runa atinui osi omi oi, na omi iae, anomo osa runama. Ami reini, anoma osa runa Amari Anahatana na Anai Yesus Kristus oi.

1 Yohanis 1:3 ပူးပေါင်းရင်းမြစ်များ

Yohanis 17:11

Mka urueku mai tuniai reini potuina tewa nea. Areimo tau nanie ununiku roe tanua nea. Ne sio mo, wason mai tuniai reini asi. Ama, Ano wan manisate onate, sakaso na me kawasa wan aruiki osiku rei. Sakaso na pusiso anoo osa, nooi sani ita ua wan anori osa.

Yohanis 17:21

Uainisi na pusiso anoo osa, nooi sani ita ua anori osa oi. Uainisi na anoo osa na uata, na sio mai tuniai rein oparisaa ata Ano sahoro aisosiku.

Yohanis 17:25

Ama, Ano ese hae osa man tewa. Masike sio mai tuniai rein mo, oationaya tewa, Au uationaya runa we mampusua oanei ata Ano sahoro aisosiku.

Yohanis 17:3

Mansia oamahaiso okataya rotu-tu ria supan mo, oationaya. Oationa Ano wan Anahatana wain manisate osa ruai. Na oationa Au, Yesus Kristus, wain Ano aisosiku uhokaku mai tuniai rein.

Yohanis 19:35

Au, Yohanis, ruaku unoo sio ohunu Yesus oyo wan usima. Sae waron usima nnare rei mo, pusire manisata. Uanei ata sae waron usima nnare rei mo, pusire manisata reiso usima osimo na omi iae oparisaa oi.

Atata 13:32

Reiso ami wani asima na Sou Iake rerihoni Yesus rei osimo, ata sae wani Anahatana itotoe osi rea upu ata mka iunai,

Atata 13:41

‘Oatinu ia-ia omi wani oanamana kahatene rerihoni Anahatana ne anamanaya! Mka osira, oyo omatamo! Tau sae, tau napisi rei, au mka uunamo sinsaramo mainae rotu-tu oparisaa tewa nea. Masike oatuhetemo tanui iae, oparisaa tewa.’”

Atata 2:42

Sio opusu-pusu sio maisosia no maunauna, oama-amanouso tau osa. Oai poroti tau osa anoo rapeka runa Yesus imatai. Oainisi tau Anahatana tau osa.

Atata 20:27

Tau sae, au uauhuni Anahatana ne maunaune isa iae tewa. Usima ne maunauna pusire osimo nea.

Atata 4:20

Ami arihoni iake tewa. Kahurae asima rerihoni ruama anoo sae runa atinu sapan.”

Pilipi 1:7

Kahurae anoku mirike noso omi. Anoku mirike tau anoku runamo. Tea mo, omi oakahaiku uanori runa Anahatana. Oakahaiku uoo tau Sou Iake rerihoni Yesus oni unusu pui tewasi. Na masike au wani pui anoe reini iae, oakahaiku sinia. Anahatana irui iake mainae osiku na uanori runai.

Pilipi 2:1

Anomo osa runa Kristus reiso iuna anomo kaia. Anoi runamo reiso iapamanumo. Anomo osa runa Anahatana Ne Inaha. Anoi runamo mainae.

Pilipi 3:10

Hasae unina na uationa Kristus ia-ia. Unina na usupu ne kawasa na upusui ia-ia. Ne kawasa wani isupui oni iamahaiki honu. Uamanaku kahi-kahiku rotu-tu umataku sani Kristus imatai noso au.

1 Tesalonika 1:10

Sio oruni rerihoni sapani na omi onapa Anahatana Anai ihokai mai tuniai reini honu on roe noiyaha. Anai wain imatai oyo iapuhaiki. Ia reimo Yesus wain mka iapuheuta na pene Anahatana iapasanata. Mka Anahatana anoi renuku-nuku renaka-naka reiso iapasana sio wason opalalosa.

1 Timotius 6:2

Sio manianeu wason noa upu oparisaa, pene oturuhaka noa upu rei. Tau sae, pusiso oparisaa osa. Ne kahurae sio oanori osi noa upu wason oparisaa rei, iake mainae honu. Tau sae, noa upu rei oparisaa. Anahatana anoi runaso. Noa upu rei sahoro no untu kani sio manianeu opakarian osi noa upu rei iake. Atuhete we maunauna rai osiso runa akananuso na opusure.

1 Yohanis 1:1

Au wan ukanu surate reini nanie usima runa Sou wan iapuhaita na iamahaita ikata Anahatana rotu-tu ria supan. Sou rei mo, wain nea on tuniai reini remrae tewasi. Nanie usima runa sae wan ami atinui nea, sae wan ruama anooi tau matama usena nea, sae wan ariniiki nea. Ruama akahuui nea.

1 Yohanis 1:5

Ami nanie asima osimo. Asima na maunaune wan Yesus Kristus iaunauma tanui rei. Areimo, Anahatana mo, ia manahane. Anoi manisate. Ia mo, ipalalosa tewa nai osa. Iruei noi pumono tewa.

1 Yohanis 1:7

Ne munata irueta noi manahane sani Anahatana wain mai manahane, anori osa na sio tamena wason oparisaa. Anahatana Anai, Yesus, ne nasi reroti rotu-tu imatai, reiso Anahatana isiru heu re rosau pusire uture.