1 Timotius 5:9 - Anahatana ne Anamanaya tau Sou Naunue

⁹ Kanu ia pina uhanu nanai tau surate na oakahaiki kani ia wain sani au mka uasau rei. Kahurae ne musum hutu nome te ne musum hutu nome nesi. Iausahai nai osa man.

1 Timotius 5:9 ပူးပေါင်းရင်းမြစ်များ

1 Timotius 3:12

Kahurae ia makahaie osi sio wason oparisaa sahai osa man runa pene isahu-sahui. Kahurae iaisosi ne hehuka runa ne numa anoe taue ia-ia.

1 Timotius 3:2

Ia onate tau sio wason oparisaa mo, kahurae pene sio bisa oasau ata ne isanae. Kahurae sahai osa man runa pene isahu-sahui. Kahurae ianei ruai runa iapamese anoi. Kahurae sio bisa oamuirai. Kahurae anoi iake iatarima sio wason ohokaso noi ne numa. Kahurae ianei iatuheteso ia-ia.

1 Timotius 5:11

Pene kanu sio pina uhanu wason sio honua nanao tau surate rei. Tau sae, mka oahana ata nanie onina ia hanaie honu onina nanie oausahaso honu. Naone ototoe ata mka onana tanei osi Kristus. Ne poe oo, opamanisai tewa. Reiso sio osana.

1 Timotius 5:14

Reiso au uaunau sio pina uhanu honua na oausahaso honu, osusu, runa osaka no numa hutae na pene re nisau oruni nanari.

1 Timotius 5:16

Ne munata wason sio pina uhanu rerihoni ia pina isa wain iparisaa ruai ne ipane, kahurae ia pina rei iakahai sio pina uhanu rei. Pene sio wason oparisaa rerihoni ipa tamene, pene sio mtinta runa sio pina uhanu wason bisa no ipane oakahaiso. Pene anoo mtinta runa sio rei na mka oakahai sio pina uhanu wason ruao man.