1 Timotius 5:8 - Anahatana ne Anamanaya tau Sou Naunue

⁸ Tau sae, munata ia isa iapiara ruai ne ipane tewa, erenesi rei, iapiara ruai ne hutua taue tewa, ia rei iauhaa sae waron ita iparisaa. Ia kahatene erenesi sio wason oparisaa tewa. Sio wason oparisaa tewa onoo runa no hutua taue runa no ipane.

1 Timotius 5:8 ပူးပေါင်းရင်းမြစ်များ

Yohanis 15:22

Sinana uhoka tewa na uatuheteso tewa, areimo osana tewa. Tea mo, openeso tanuku tewa. Ne, muie reini, Au wan uhokaku uatuheteso nea, reiso sio mo, mka oasau tewa nea ata oanei tewa ata sae wan ounai rei mo, opalalosa.

2 Timotius 2:12

Munata ita iapamese sinsarata, mka irime tuniai reini ikatai. Ne munata ita iasau ata iationai tewa, mka iasau ata iationa ita tewa oi.

2 Timotius 3:5

Oakarota oamahaiso ouna-una sae waron Anahatana ne suka man. Ne ouna sae waron Anahatana ne suka titue-tue pusi anoo tewa. Aeua hainau rerihoni sio reini.

Titus 1:16

Sio oasau ata oationa Anahatana. Aikee ita ianei ata sio oationa Anahatana tewa tau no atata waron kahatena rai. Sio wason anoo rakopuso, oatinu tau Anahatana ne maunauna tewa, oanei ouna sae isa wani iake tewa.