1 Timotius 4:7 - Anahatana ne Anamanaya tau Sou Naunue

⁷ Ne pene atinu tau mamrunia waron titue tewa. Waroni kahatena. Ruam anina na amahaia auna sae waron Anahatana ne suka man sani ia wain iapataruna ruai inina na tinain makae.

1 Timotius 4:7 ပူးပေါင်းရင်းမြစ်များ

Atata 24:16

Reiso au uawaha tau we mkonae pusiki na uamahaiku manisate. Uarinii rerihoni uamahaiku sapan. Uamahaiku manisate. Upusu Anahatana ne maunauna pusire. Au we sanae isa osi tumata tewa.

1 Timotius 1:4

Aisosiso na pene anoo ranoa rapusu mamrunia waron titue tewa. Pene anoo ranoa rapusu noa upu nanao waron roha-rohaya tewa. Arai pusire hasae raunaso tau otuntana runa umau man. Sio ouna Anahatana ne maue ereeu tewa. Ne maue wani sio oaneiki pusu oparisaai.

1 Timotius 1:9

Kahurae anori rapeka ata Anahatana irui maunauna rai osi Musa na iaunau sio kahatena tanure. Iruire osi sio manisata tewa. Iruire osi sio wason openeso opusu maunauna. Iruire osi sio wason oatinu tanui tewa, osi sio wason ouna sae wani ia ne suka tewa. Iruire osi sio wason opalalosa wason anoo manisata tewa. Iruire osi sio wason opusu akama tewa runa sio wason ohunu noa inau, noa amau. Iruire osi sio mamhunua.

1 Timotius 2:10

Ne unina na sio pinau ouna atata waron iaka. Atata waron iaka osi sio pinau wason oasau ata oainaa runa Anahatana. Ouna iake na sio onooso iake pusu no atata.

1 Timotius 3:16

Ia isa bisa iauhaa tewa ata maunauna rai iaka nai osa. Maunauna waron naone mauhunta ne Anahatana iatuheteta tanure nea. Maunauna waron ratuheteta iamahaita iuna sae waron Anahatana ne suka man. Maunauna rai iaka tau ratuheteta rerihoni Ia wain iatuhete ruai osita nitai tumata. Anahatana Ne Inaha iatuheteta ata ia rei anoi manisate. Anahatana ne maisosia on roe noiyaha onooi. Sio osima nnai osi sio niana-niana. Sio mai tuniai reini oparisaai. Anahatana iapusaai roe noiyaha, naniai wani rinane eresita ita-itane.

1 Timotius 4:8

Ita inina na tinairi makaya, areimo iake mkane man. Ne inina na iamahaita iuna sae waron Anahatana ne suka man isupu iake tau muie reini. Mka imatata isupu iake oi tau nesie muie honu.

1 Timotius 6:11

Ne ano mo, ano wani anori runa Anahatana. Pene auna san rei. Ne anina na anom manisate, amahaia auna sae waron Anahatana ne suka man, aparisaa tau maunau titue, anom runaso, apamese sae waron rauna mtinte tanua, anom manne runaso.

1 Timotius 6:20

Timotius. Asaka maunau titue ia-ia. Maunau titue waron Anahatana iparisaare osia na ano aunauso tanure. Pene atinu tau sio wason oanamana kahatene. Pene atinu tau sio wason oanamana ramnahu huie. Pene atinu tau maunauna waron rapusu maunau titue tewa. Maunauna rai, sio oire tau “Sio wason oanei no maunauna”.

1 Timotius 6:3

Ne munata ia isa iatuhete tamene, munata iparisaa tau maunau titue waron rerihoni Upuri Yesus Kristus tewa, munata ipenei iparisaa tau maunauna rerihoni iamahaita iuna sae waron Anahatana ne suka man,

1 Timotius 6:5

Sio wason san rei, otuntana runa umau sui osa. Tau sae, sio oarinii kahatene. Sio oanei maunau titue tewa nea. Sio oahata oamahaiso ouna sae waron Anahatana ne suka man, mka osupu kepen panesi.

2 Timotius 2:16

Pene atinu tau sio wason oanamana ramnahu huie, oanamana kahatene. Tau sae, sio wason oanamana san rei, mka ouna sae wani Anahatana ne suka tewa mainae honu.

2 Timotius 2:23

Pene anamana runa sio wason oanamana rirunena. Sio reini mo, sio oatuheteso ia-ia tewa. Pene anamana osiso. Tau sae, ano anei nea. Sio ounaso otuntana man.

2 Timotius 3:12

Sio pusiso wason nanie oamahaiso ouna-una sae waron Anahatana ne suka man pusu anoo osa runa Kristus Yesus, mka sinsaraso.

2 Timotius 3:5

Oakarota oamahaiso ouna-una sae waron Anahatana ne suka man. Ne ouna sae waron Anahatana ne suka titue-tue pusi anoo tewa. Aeua hainau rerihoni sio reini.

2 Timotius 4:4

Mka openeso oatinu sae waron titue. Ne oatinu tau mamrunia waron titue tewa.

Titus 1:14

Apamanuso na pene sio oatinu tau sio Yahudiu no mamrunia waron titue tewa runa pene oatinu tau maunauna rerihoni sio wason openeso tau maunauna waron titue.

Titus 2:12

Masike ipalalosa iae, Anahatana irui iake mainae osita. Iatuheteta na ipeneta tau sae wani Anahatana ne suka tewa runa iarihoni re maue kahatene tau sae waron mai tuniai reini. Iatuheteta na iapamese anori, anori manisata, runa iuna-una sae waron Anahatana ne suka man tau muie reini.

Titus 3:9

Ne ano mo, pene atinu tau sio wason otuntana remnahu huie rerihoni noa upu nanao. Pene atinu tau sio wason oariruneso otuntana runa sio Yahudiu no maunauna. Arai pusire tau sae isa tewa, rakahai ia isa tewa.