1 Timotius 4:16 - Anahatana ne Anamanaya tau Sou Naunue

¹⁶ Ainati na amahaia manisate. Ainati na atuheteso tau maunau titue. Kahurae amauna san rei. Tau sae, mka apuheu ruam runa sio wason oatinu tanua.

1 Timotius 4:16 ပူးပေါင်းရင်းမြစ်များ

Markus 13:9

Kahurae osaka-saka. Mka sio osotamo na oruimo osi sio mainaya tau niana-niana. Mka ohitamo sui sio Yahudiu no numa mananouna. Mka ororimo noi sio gubernur runa sio aiau noso opusu Au. Reiso saka osima rerihoni Au.

Lukas 21:34

Yesus iasau osi ne mampusua ata, “Osaka ruamo ia-ia. Pene tu-tu sira tau uhokaku honu mo, omi wani pataparimo tau maise onata, oninu omukemo, na orue anomo rauponu na mo muaine mo apia. Tea mo, mka uhokaku honu mai tuniai reini, osira. Osira nooi sani maianane rei reasira heune.

Atata 26:22

Ne rotu-tu reini Anahatana iakahaiku. Reiso wani uooku mai rei na usima rerihoni Yesus osi sio pusiso, sio mainaya runa sio wason sio mainaya tewa. Sae waron uasau rei runa sae waron sio mamsima runa Anahatana ne anamanaya runa Musa oaunutu anoo tanure, pusire osa.

Atata 6:4

Ne ami ruama ainisi tau Anahatana runa aunauso tau Anahatana ne anamanaya.”

1 Tesalonika 2:16

Sio onete rea na pene ami aunau sio wason sio Yahudiu tewa. Aunauso na Anahatana iapuheuso na oamahaiso rotu-tu ria supan. Sani ia isa iapatau tihu tau koinanae rotu-tu taue, sio opalalosa rotu-tu Anahatana iapamese tewa nea. Reiso tau muie anoi resaa. Anoi resaa reiso iapasanaso.

1 Timotius 1:3

Au we maue na ano aruea pan kota Epesus sirinia sani uasau osia nea. Ueu pan otoe Makedonia, uaisosia arue pan Epesus nea. Arue pan Epesus na aunau sio umau wason oatuheteso tau maunauna waron titue tewa. Aisosiso na pene oatuhete san rei nea.

1 Timotius 4:15

Auna sae waron au mato uasau rei. Ariniire sui osa. Aunare na sio pusiso onoo ata ano amauna mainae honu.

1 Timotius 4:6

Munata ano arui maunauna raimo osi rea kakau, rea waniu, mka ano auna manorine iake osi Kristus Yesus. Aunau rea kakau, rea waniu runa aparisaa ia-ia. Aparisaa pusu maunauna waron pusita iparisaare. Maunau titue waron ano apusure rotu-tu reini.

2 Timotius 2:10

Reiso uapamese pusire na uakahai sio wason Anahatana ininiso na ouna ne mansiau. Uapamese na sio rei oi, mka Anahatana iapuheuso tau oparisaa tau Kristus Yesus, oyo orueso okatai roe naniai wani rinane eresita ita-itane. Okatai rotu-tu ria supan.

2 Timotius 3:14

Ne masike sio kahatena san rei iae, kahurae ano ruam arime maunauna waron sio oatuhetea tanure sirinia. Maunauna waron ano aparisaa tanure. Arimere tau ano anei ata sio wason oatuhetea tanure, oatuhete pannuhu.

2 Timotius 4:2

Uaisosia aunauso tau Anahatana ne anamanaya. Aunau sio wason nanie oatinu tanure runa sio wason openeso oatinu tanure. Asima osiso rerihoni kahurae ouna sae. Kani ouna isanae, asau osiso. Aisosiso na pene ouna isanaya. Aunauso asapare tanso. Atuheteso asapare tanso. Atuheteso ia-ia.

Titus 1:9

Ahiti ia wain irime kuru tau maunauna rerihoni Yesus Kristus waron ita bisa iparisaare sani ami atuhetea tanure nea. Irime kurure na ianei iaunau sio wason oparisaa runa sae waron manisata. Irime kurure na ianei iapamanu sio wason onesire.

Titus 2:15

Atuheteso rerihoni rai pusire. Aunauso na opusure. Kani opusure tewa, asau tanso. Pene atapi ia isa iae iahata ano mainae tewa.

Titus 2:7

Tau pusire, ano ruam anom manisate sui osa na sio onoo, oyo oanei oamahaiso sapan. Atuhete runa anom manisate. Atuhete ano amuiraso.

Pilemon 1:19

Au, Paulus ruaku reini sahoro wan ukanu tau ruaku hanaku na usima osia rerihoni anamanae reini ata, “Au, Paulus, sahoro mka usenu pusi Onesimus ne notiu osia.” Ne kahurae anom repeka. Tea mo, ano ruam iae me noti mai tanuku oi. Tea mo, naone uaunaua rotu-tu aparisaa tau Yesus na Anahatana iapuheua.

Yakobis 5:20

kahurae ne neta rei wain iaunaui ianei ata iapuheui. Iapuheui na sani mka imatai mo, pene iruei hainau arihoni Anahatana. Ipusu arena manisate honu oyo Anahatana mka isiru heu ne rosau waron panesi rai. Tapea, Yakobis.