1 Timotius 4:10 - Anahatana ne Anamanaya tau Sou Naunue

¹⁰ Reiso masike tamneana panesi, inana taneiu panesi. Tau sae, ianori runa Anahatana. Anahatana wain iamahaiki mka irui iake osita. Ia sahoro iapuheu sio pusiso na oamahaiso rotu-tu ria supan. Iapuheu sio wason oparisaa tau Kristus Yesus.

1 Timotius 4:10 ပူးပေါင်းရင်းမြစ်များ

Yohanis 1:29

Nene han san rei, Yohanis inoo Yesus ihokai mai tanui. Iahata, “Masi onoo! Ia mo, Anahatana iromai na irui ruai osi sio ohunui noo sani rompa anae wan ita Israel ihunui na iusi re rosau. Tea mo, mka iusi mansiau no rosau.

Yohanis 4:42

Sio oasau osi ia pina ona Samaria rei ata, “Ano pina onate, naone ami aparisaa tau Ia onate reini mo, repusu sae wani ano asaui osima rei. Ne muie reini ami aparisaa pusu ami ruama atinu ne maunauna nea oi. Ami anei ia-ia nea ata Ia reini mo, titue-tue iapuheu mansia na pene Anahatana iapasanaso.”

Yohanis 5:24

Oatinu mai ia-ia nanie uasau osimo. Ia sia iatinu sae wani uasau runai reini na iparisaa tau Anahatana wain iaisosiku mo, mka iamahaiki ikata Anahatana rotu-tu ria supan. Mka Anahatana iapasanai tewa nea. Ia wain naone iruei hainau arihon Anahatana mo, muie reini wain iamahaiki ikata Anahatana rotu-tu ria supan nea.

1 Timotius 2:3

Iainisi osi sio pusiso, areimo iake. Iuna san rei Anahatana Ia Waini Iapuheuta anoi iake.

1 Timotius 2:4

Tau sae, Anahatana inina iapuheu sio pusiso na oamahaiso rotu-tu ria supan. Ia nanie na sio pusiso oanei sae waron titue.

1 Timotius 2:6

Irui ruai na imatai na isenu sio pusiso no rosau. Reiso erelai nene umetene, Anahatana iatuhete ata ia nanie iapuheu sio pusiso na oamahaiso rotu-tu ria supan.

1 Timotius 3:15

kani uapuari ano mka anei sapani na ita iamahaita. Ita kaka wani wan iparisaa tau Anahatana. Anahatana wain iamahaiki. Ita wani Anahatana ne mansiau irime tau maunauna waron titue.

1 Timotius 6:17

Aisosi sio wason sio kupan kaya mai tuniai reini na pene ohati ruao. Pene anoo tau apia panesi. Sio oanei tewa kani mka tihonre. Ne aisosiso na anoo tau Anahatana. Tau sae, irui pusire panesi-panesi osita na ita ikaumin runare.

1 Yohanis 2:2

Ia hasae imatai na ihana ita re rosau man tewa. Ne imatai na ihana mansia pusiki mai tuniai reini no rosau na Anahatana isiru heu no rosau rai oi.

1 Yohanis 4:14

Ami ruama anoo Anahatana Anai tau matama nea. Aeu asima ata Amari irati Anai nea na Anai rei iapuheu sio mai tuniai reini na pene Anahatana iapasanaso.