1 Timotius 3:1 - Anahatana ne Anamanaya tau Sou Naunue

¹ Anamanae reini titue-tue, “Munata ia isa ne maue iuna ia onate tau sio wason oparisaa, inina tanei iake.”

1 Timotius 3:1 ပူးပေါင်းရင်းမြစ်များ

Lukas 15:10

Uasau osimo. Anahatana ne maisosia roe noiyaha iae wason sani rei oi. Anoo mirika sani ia isa waini saka ipalalosa iarihoni ne rosau rai.”

Atata 1:20

Oyo Petrus iasau honu, “Ia sahoro ikanu Sura Kapatau ikanu san rei, ‘Tapi ne numa huie. Pene ia isa iruei tanui.’ Ikanu honu ata, ‘Tapi ia tamene isa ikatiki.’

Atata 20:28

Reiso osaka ruamo runa sio wason oparisaa pusiso. Anahatana Ne Inaha ihitimo na osakaso nea. Osaka sio wason oparisaa sani ia mamsakae isaka ne rompau. Sio ouna Anahatana ne mansiau pusu anai imatai.

Pilipi 1:1

Osi Anahatana ne mansiau pusimo utumo wani oruemo pan kota Pilipi. Au, Paulus, sahoro ukanu surate reini. Timotius wain ikataku oi. Uama anori runa Kristus Yesus. Akanu surate reini osi pusimo utumo wani anomo osa runa Kristus Yesus. Ami iae akanu surate reini osi sio onata runa sio makahaia tau omi wani oparisaa pan kota Pilipi.

1 Tesalonika 5:14

Mania kakau, mania waniu. Ami ainisi oi na oaunau sio wason openeso onana tanei na oamauna onana tanei. Oaunau sio wason anoo rauponu na pene anoo rauponu. Oakahai sio wason oamkona tewa. Osapare tau sio pusiso.

1 Timotius 1:15

Anamanae reini titue-tue reiso ita bisa iparisaa ia-ia, “Kristus Yesus ihokai mai tuniai reini na iapuheu sio wason opalalosa.” Au we rosau panesi ranesi sio pusiso.

1 Timotius 4:9

Anamanae reimo ata isupu iake titue-tue reiso ita bisa iparisaa tanure ia-ia.

2 Timotius 2:11

Apamese tau anamanae reini titue-tue, Munata ita ipeneta iuna sani naone, noo sani imatata runai, mka iamahaita ikatai rotu-tu ria supan.

Titus 1:7

Ia onate tau sio wason oparisaa inana Anahatana ne tanei reiso ahiti ia wain sio bisa oasau tewa ata ne isanae. Ahiti ia wain ihati ruai tewa runa ia wain anoi eresaa rapu tewa. Ahiti ia wain ininu panesi tewa runa ia wain iatana panesi tewa. Ahiti ia wain anoi runa kepen tewa.

Titus 3:8

We anamanaya waron au mato uasau rei waron titue-tue. Reiso unina na ano aparisaa ia-ia, oyo atuhetere osi sio wason oparisaa tau Anahatana. Atuheteso na sio ouna iake sui osa. We anamanaya rai waron iaka runa rakahai sio pusiso.