1 Timotius 2:4 - Anahatana ne Anamanaya tau Sou Naunue

⁴ Tau sae, Anahatana inina iapuheu sio pusiso na oamahaiso rotu-tu ria supan. Ia nanie na sio pusiso oanei sae waron titue.

1 Timotius 2:4 ပူးပေါင်းရင်းမြစ်များ

Markus 16:15

Oyo Yesus iasau osiso ata, “Oeu ohori niana-niana pusire mai tuniai reini. Osima na Sou Iake rerihoni Au. Osima osi sio pusiso mai tuniai reini.

Lukas 1:77

Ano aunauso na ne mansiau oanei sapani na iapuheuso na pene Anahatana iapasanaso. Iapuheuso pusu Anahatana isiru heu no rosau.

Lukas 14:23

Oyo ia karisaa upue rei iasau ata, ‘Munata san rei, aeua hokaya arihon kota. Oyo eua pusu arena onata rotu hoka sui arena kote-kote na apamanu ia sia man. Apamanuso na oeu mai oakaponu we numa anoe wani huie asi reini.’

Lukas 24:47

Okanu ata we mampusua mo, mka oeu osima ata mansia pusiki kahurae oarihoni no rosau. Oarihoni no rosau oyo Anahatana mka iapasanaso tewa nea. Mka osima on mai kota Yerusalem rotu-tu sio niana-niana pusiso mai tuniai reini. Osima na Au Aia reini we kawasa.

Yohanis 14:6

Yesus iahata, “Au sahoro arena na oeu roe Amaku. Au sahoro uatuhete sae wan manisate rerihoni Anahatana. Au oi, sahoro una mansia oamahaiso okata Anahatana rotu-tu ria supan. Hasae Au sahoro una arena na oeu roe Amaku.

Yohanis 17:17

Akahai we mampusua na ouna me mansiau wason opusu me maunauna man. Opusu me maunauna waron manisata sui osa. Sae man waron Ano asau runare reimo manisata.

Yohanis 6:37

Ia sia man wain Amaku iruiki na ouna we mansiau rei mo, mka oeuso mai tanuku. Na ia sia wain ihokai mai tanuku mo, mka uapusaa pusiso. Uneiso tewa.

1 Timotius 4:10

Reiso masike tamneana panesi, inana taneiu panesi. Tau sae, ianori runa Anahatana. Anahatana wain iamahaiki mka irui iake osita. Ia sahoro iapuheu sio pusiso na oamahaiso rotu-tu ria supan. Iapuheu sio wason oparisaa tau Kristus Yesus.

2 Timotius 2:25

Kahurae iatuhete tau manne sio wason onesiki. Kahurae iatuheteso tau manne na kani Anahatana mka iunaso oarihoni no rosau runa oparisaa maunau titue.

2 Timotius 3:7

Masike sio oatuheteso sui osa, sio oanei tewa sae waron titue, sae waron titue tewa.

Titus 1:1

Anaku Titus, Au, Paulus, ukanu surate reini. Au wani Anahatana ne manorine runa Yesus Kristus ne maisosie. Ihitiku na uakahai sio wason ininiso na ouna ne mansiau. Uakahaiso na oparisaai ia-ia. Ihitiku na sio oanei maunau titue waron rakahaiso oamahaiso ouna-una sae waron Anahatana ne suka man.

Titus 2:11

Aunau sio wason oparisaa na sio pinau, sio hanaia pusiso ouna sani mato uasau rei. Tea mo, masike ipalalosa iae, Anahatana irui iake mainae osita sirinia. Irui iake mainae pusu Yesus Kristus ihokai mai tuniai reini na iapuheu sio pusiso.

Yakobis 3:14

Ne sani munata oanana mainae runa onina nanamo, areimo pene ouna ruamo omi mainaya. Pene oahata, “Au oo! Au mo, uanei.” Sani oasau san rei mo, oakarota.

2 Yohanis 1:1

Osi ia pina onate wain Anahatana iromai na iuna ne mansia na ia pina onate ne hehuka wan anoku runamo ia-ia. Surate reini mo, arihoni au wani au mainae tau sio wason oparisaa tau Kristus. Ne au ruaku man tewa sahoro anoku runamo, ne sio pusiso wason oparisaa tau Anahatana ne maunauna waron titue anoo runamo oi.