1 Timotius 1:12 - Anahatana ne Anamanaya tau Sou Naunue

¹² Au uasau osi Upuri Kristus Yesus, “Upuku, Yesus. Ano mo, ano iake. Arui kawasa osiku na uanori runaya. Ano ahata bisa aparisaaku reiso ahitiku na unana tanei osia. Ano mo, ano iake tunne nai osa.”

1 Timotius 1:12 ပူးပေါင်းရင်းမြစ်များ

Yohanis 5:23

Amaku irui kawasa osi Au na mansia pusiki oamuira Au. Ia sia iamuira Au tewa, areimo noo sani iamuira Amaku tewa. Amaku wain iaisosiku uhokaku mai tuniai reini oi.

Atata 16:15

Sio osohu Lidia runa sio pusiso wason orue tau ne numa na mansiau oanei ata oarihoni no rosau nea. Oyo iainisi tau ami san rei, “Wea amau, wea hotau. Munata omi oahata titue uparisaa tau Yesus nea, mai, oararanemo mai we numa.” Oyo iapamanuma, reiso ararane tau ne numa rei.

Atata 9:15

Ne Upuri iasau san rei, “Masi aeua. Au mo, unini ia rei nea na ianori runaku. Mka isima runa au osi sio wason oationa Anahatana tewa, osi sio no aiau, runa sio Israel oi.

Atata 9:22

Saulus iaunauso iake, reiso sio wason oparisaa rei okikasi oasinena sui osa. Iaunauso rei iahata, “Yesus mo, Ia Aia wain Anahatana Ihitiki na Iapuheu ne Mansiau.” Iaunauso rotu-tu sio oanei tewa nea otuntana runai sapan.

Pilipi 2:11

Mka pusita ututa iamanaku iahata, “Yesus Kristus mo, Upuri.” Iamanaku na iamuira Amai Anahatana.

Pilipi 4:13

Kristus irui kawasa osiku reiso mka uapamese kua anoku tau sae man.

1 Timotius 1:1

Osi anaku Timotius. Au, Paulus, ukanu surate rei. Au Yesus ne maisosie wani Kristus Yesus runa Anahatana oaisosiku. Anahatana iapuheuta na pene iapasanata. Kristus Yesus wain ita iparisaai.

1 Timotius 1:11

Uaunauso tau Sou Iake wani Anahatana iparisaai osi au na uaunauso tanui, uaunauso tau maunau titueu rai oi. Areimo Sou Iake rerihoni Anahatana wani ne rinane wani ita-itane eresita. Anahatana wain kahurae ita iainaa runai.

1 Timotius 1:2

Ukanu surate rei osia, Timotius, ano sani anaku susu tau ano aparisaa. Uainisi tau Amari Anahatana runa Upuri Kristus Yesus, “Ama. Upuku Yesus. Masike Timotius ipalalosa iae, orui iake mainae osiki sirinia. Anomo runai. Ounai ikarihuru iamahai.”

1 Timotius 6:13

Au uaisosia na Anahatana wain iapuhai pusire runa Kristus Yesus wain iamanaku sae wani iake osi Pontius Pilatus onoo. Au uaisosia san rei:

2 Timotius 2:2

Ano runa sio panesi honu oatinu Sou Iake rerihoni au nea. Sou Iake rei, atuhetei osi sio wason ano aparisaaso runa oanei oatuhetei osi sio umau honu.

2 Timotius 4:17

Ne Upuri ikata runaku. Irui kawasa osiku na usima na Sou Iake rerihoni Yesus pusiki na sio wason sio Yahudiu tewa oatinui. Upuri iakahaiku na pene sio ohunuku sani inanaku rerihoni maisan hohae na pene maisan ereaiku.

Titus 1:4

Ukanu surate rei osia, Titus. Ano wani anaku tau ano aparisaa sani au reini oi. Uainisi tau Amari Anahatana runa Kristus Yesus Ia wain Iapuheuta osimo san rei, “Ama. Upuku Yesus. Masike Titus ipalalosa iae, orui iake mainae osiki sirinia. Ounai ikarihuru iamahai.”