1 Tesalonika 1:3 - Anahatana ne Anamanaya tau Sou Naunue

³ Ami ainisi tau Amari Anahatana, anoma rapeka runa mo atata waron omi ounare tau omi oparisaa. Anoma rapeka sapani na oanori runaso tau anomo runa Anahatana. Anoma rapeka sapani na oapamese. Masike sio ounamo sinsaramo iae, oapamese sirinia. Tau sae, oparisaa runa Upuri Yesus Kristus.

1 Tesalonika 1:3 ပူးပေါင်းရင်းမြစ်များ

Yohanis 14:15

Yesus iasau osi ne mampusua ata, “Sani anomo nnaku, omi mka opusu we maunauna.

Yohanis 15:10

Sani opusu we maunauna, mka oanei ata anoku runamo. Au iae upusu Amaku ne maunauna na uanei ata anoi runaku.

Atata 10:31

Iahata, ‘Kornelius! Anahatana iatinu me mainisie nea. Anoi repeka ata ano amanane asama sio mosokinia.

Atata 3:19

Reiso oarihoni mo rosau. Onunimo mai Anahatana na iuna heure,

1 Tesalonika 3:6

Muie reini Timotius inuniki mai tanuma nea. Isima na sou iake osima rerihoni sapani na omi oparisaa tau Kristus. Isima na sapani na anomo runa umau sirinia. Isima osima na sapani na anomo rapeka runama anomo miri-mirika sui osa reiso anomo rarihu runama. Nanie osupuma honu sani anoma rarihu nanie asupu omi oi.

2 Tesalonika 1:11

Reiso ami ainisi tau Anahatana osimo sui osa na oainaa runa Upuri Yesus san rei. Ainisi tau Anahatana san rei, “Ama. Ami ainisi na ano arinii ata sio Tesalonika iake na oamahaiso sani ano anaha runaso na oamahaiso. Akahaiso ouna iake tau me kawasa. Ouna iake sae man opusu no maue. Akahaiso ouna iake sae man pusu oparisaa.”

2 Tesalonika 1:3

Mania kakau, mania waniu. Kahurae ami asau osi Anahatana sui osa, “Mania ama. Ano iake tunne nai osa. Sio Tesalonika oparisaa mainae honu sui osa. Anoo runa umau mainae honu sui osa. Reiso ano iake tunne nai osa.” Ami asau san rei, areimo iake.

1 Timotius 1:14

Upuri irui iake mainae osiku na uparisaa tau Kristus Yesus nea. Irui iake mainae osiku na anoku runai.

1 Timotius 2:3

Iainisi osi sio pusiso, areimo iake. Iuna san rei Anahatana Ia Waini Iapuheuta anoi iake.

1 Yohanis 3:18

We hehuka! Anori runa mansia mo, pene mai hohari man. Pene iausipu sou man. Ne anori runa mansia mo, kahurae iakahai umau ia-ia.

1 Yohanis 3:21

We netau wan anoku runamo. Sani iahana ata anori rasana tewa, mka iainisi arihon Anahatana anori kuruta.

1 Yohanis 3:3

Reiso, ia seia wain iparisaa ata mka ne hali sani Kristus, areimo kahurae isaka ruai na pene ipalalosa, noo sani Kristus wain ipalalosa tewa.

1 Yohanis 5:3

Anori pusire runa Anahatana, areimo mka ipusu ne maunauna. Ne maunauna rai mo, mtinta tewa.