Mark 11:9 - Anmatyerr Bible

⁹ Tjerrtj map Jesu-eng arrwekel alhek, tjerrtj arrpenh map kwereng ingkern-angkwerr alhek. Tjerrtj inang ingkerrek arlkerl-apetjam, “Nwern Altjerr renh nakem! Altjerray, urrpey ngkwengenh twer-ilang! Rang lyet nwerneh-warn petjem.

Mark 11:9 ပူးပေါင်းရင်းမြစ်များ

Mark 11:8

Tjerrtj mapel mantarr inehenh tjeyek antjam-wek. Tjerrtj arrpenh map arrwekel kwet alhek, waly aketjeh. Waly-akert inang arrwekel tjwempelhek. Inang waly tjey Jesu rarl alhetjenh-angkwerr antjam-wek.

John 12:13

Inang arnang waly akemel, waly-akert kwer-warn arnek-irrek. Inang arlkerl-apetjam, “Altjerray, nwern ngwenh nakem! Nyerrkentj mernelhang angketj angenh-angenh ngkwengenheh! Rang nwerneh-warn lyet petjem. King nwern-kenh twer-ilang! Ntwang kwer nyerrkentj mernelhang!”

John 19:15

Inang kwet arlkemel ilek, “Renh angerrerrang! Renh angerrerrang! Renh ntwerlkeh arrernewarrang!” Pilate rang pawenhek, “Arrantherr ahentj-anem kwey, thang king arrehantherr-henh ntwerlkeh arrernetjeh?” Priest twernk mapel kwer pwer anemel renh ilek, “Twernk angerr Caesar-ant nwern-henh king anem!”