Luke 7:26 - Anmatyerr Bible

²⁶ Altjerr-henh angketj angenh-angenh key arrantherr aretjeh alhek? John rang kwenh Altjerr-henh angketj-akert anem! Rang Altjerr-henh angketj angenh-angenh tjeperr anthwerr anem.

Luke 7:26 ပူးပေါင်းရင်းမြစ်များ

Luke 1:76

Rang ler kwerenhek-antem angkek, “Ler tjengenhay! Arrpenh mapel ngwenh anewetjenh, ntwang Altjerr angerr-henh angketj angenh-angenh. Ntwangemeh Ngkart kwereng arrwekel alhetjenh, tjerrtj inenh iletj-alhetjenh, Ngkart rang lyet war nhenh-warn petjemeng, inang kwer karelhetjeh.

Luke 16:16

“Ngkwey Altjerr rang tjerrtj map-warn angkek angketj Moses-henhel-ayeng, angketj angenh-angenh kwerenh mapel-ayeng thwen, artwang John-eh-atwetj. John-eng-ntjel thang angketj mwerr anthwerr renh kaltj-anthem, angketj nhenh thang arrantherrenh ilem, Altjerr rang tjerrtj ingkerrekeh Ngkart angerr anemeng wart. Tjerrtj inang ahentj-irrem anthwerr Ngkart-henh kwer anetjeh, iteth ngampekarl anetjeh kwerel-ayel.

Luke 20:6

Nwern apek renh ilem, ‘Tjerrtjel renh lanthekarl’, tjerrtj mapel nwernenh iltewehetjeng. Tjerrtj ingkerrek iterrem, John rang Altjerr-henh angketj angenh-angenh kwel anekarl.”

Luke 7:25

Artwang ngwenh-arteh rang, arrantherr renh aretjeh alhek? Artwang mantarr amparrkey-amparrkey-akert key? Itja kwenh! John rang mantarr anetj-anetj-akert anek. Tjerrtj ngwenh apek inarl mantarr mwerr-akert anem, inang kwenh mer amparrkey-amparrkeyel anem. Mern ker arwenth anthwerr inang anyenem. John kwenh itja lakenh-arteh anem.

Luke 7:27

Angketj John kwer-penh Altjerr-henh pipel-ayeng intem: ‘Thang angketj ilenh-ilenh tjengenh ngkwengeng arrwekel lanthetjenh. Rang ngkweng tjey angerr mpwaretjenh.’

John 5:35

Altjerrel nheng John ngkernek, rwang alngenth-arteh amperl-anetjeh, tjerrtj map parrtjelh-iletjeh. Arrantherr kangkek, angketj kwerenh awerl-anetjeh.