Luke 24:4 - Anmatyerr Bible

⁴ Inang ywarn iterrek. Kwereng artwang atherr ineheng kwet irnetj-alhek, mantarr mperlker anthwerr-akert.

Luke 24:4 ပူးပေါင်းရင်းမြစ်များ

Mark 16:5

Inang intey kwer-warn irrpenhemel artwang anthetj nyent arek, mantarr mperlker-akert, arratjakw iterel anemeng. Inang anwerlkemel ater-irrek.

Luke 2:9

Ngkart-henh angel alker-areny nyentemeh ineh-warn parrtj-akert arratek. Ngkart-henh parrtjelemeh inenh keth-ilek. Yep-yep arntarnt-arenh-arenh inang ater-irrek.

Luke 24:5

Inang angerr ater-irrek. Inang amperel-ayeng arrernelhemel, inngerr kwen-irrek. Artwang ratherr pawenhek, “Wenheng arrantherr tjerrtj itethek palenthwem awenngel?

Acts 1:10

Tjerrtj inang kern-atheh artwaretjam-rlwer, artwang atherremeh inehel-ayel irnetj-alhek, mantarr mperlker-akert.

Acts 12:7

Ngkart-henh angelemeh tjayel kwenel irnetj-alhek. Parrtj rang tjayel kwenel parrtjek. Angelel Peter renh ltwang tanthemel renh kemelh-ilemel ilek, “Parrp kemerray!” Peter-henh chain ratherr Peter-henh iltjang atherreng rlwelherl-alhek.

1 Timothy 3:16

Altjerrel angketj tjeperr kwerenh lyetant keth-ilek. Ngkweyeng-ntjel rang angketj nhenh arltwentjekarl. Angketj lakenh rang intem: Christ rartek ahelh nhenhel ngwerrm-irrek, rang tjerrtj mpwerrk kwerenh mernelhek. Kwerrern Alngaltarel mernek, Christ rang kwenh arratj anemeng. Angel alker-areny mapel renh arek. Kwertengerl kwerenh mapel tjerrtj mapeh kwer-penh kaltj-antherl-apek mer mapel. Tjerrtj mapelemeh renh nakem ahelh apanpel. Altjerr Angeyel renh mer alker-warn angkep anginek, parrtj angerrel-ayeng anetjenheng.